卡卡好少到觀塘區覓食，在選擇困難症之下遊走APM， Mr. Brown就帶左我落去觀塘APM一田入面的小Food Court！ 選擇困難症除之而消失，因為有我好喜愛、好新鮮既刺．身．丼．啊～！ 佢個名叫【勝手丼】！本店在北海道釧路市的60年老市場「和商市場」內 而家不用飛到北海道 都有得食喇～！ (鼓掌!!!) 先自選要大盛飯$15約240g 或 小盛飯$10約160g 然後再自選喜愛的有料配料 和 無料配料(海苔絲/蔥粒/芝麻)～ 刺身有勁多款式選擇呀！！ 不同價錢的刺身在櫃中名碼實價，鐘意邊樣點邊樣～ o(≧ω≦)o 第一次黎，見人自選我又自選，其實睇返已裝好一盒盒既抵好多喎！ 如果有啱心水，買呢啲啦～ 卡卡計過其中原價total$136的賣$88!!! (@[]@!!) 好抵~ 所以下次有啱口味既 我都會直接買～ 今次就試下佢虛實先啦！ 付款後，可即場在這個小Food Court享用！ 前方小餐車好可愛～售賣西式早餐、沙律、咖啡等等 有野食lu！人唔算多，等待5mins就有得食喇～！呢個就係我既自選丼！ 海膽$33/份呀！好貴呀～～～ 不過又好想食 最後都要埋～～ 開動～ 燒三文魚即叫即燒好香但已凍，三文魚腩非常肥美！ 三文魚子和明太子配醋飯吃非常搭非常美味！ 帶子和海膽都好．鮮．甜～～～！ 勝手丼的醋飯都做得好好，用紫菜和蔥粒送飯已經好正～ 好開心今日食到既呢批貨都好新鮮，希望可以繼續keep住水準！ 呢個Food Court仲有其他野食 Emilia — 意大利pizza、炸芝士薯波、炸橄欖等 Oysta + — fish & chips、生蠔、藍青口等 Yoble — 乳酪雪糕 仲有巧遇擺檔既洪瑞珍！$25/份，都幾貴，買左一份招牌原味～ 我倆都未食過，初嚐這響噹噹的洪瑞珍三文治 Um.. 係做得唔錯，麵包濕度、味道各方面都配合恰到好處！ 不特別但卻是平凡中好味的三文治～ 點擊圖片放大 周邊都還有其他野食，去到搵食既朋友可以再發掘下啦～ 我相信下次我都係敵不過呢個魚生櫃既誘惑，都係會俾佢吸左埋去咖喇～～ 今次尋味指數確實無得輸！CP值高，推介俾大家啊！！！ヾ(≧▽≦)ノ 睇下！又呼喚我喇～～～～ ______________________________________________________________ 勝手丼 地址：觀塘道418號創紀之城五期(apm)地庫一田超級巿場 付款方式：現金 或 八達通 ______________________________________________________________ 更多分享吃喝玩樂、機票優惠、酒店優惠、旅遊資訊 ▼▼▼ 更新 update 盡在『 F A C E B O O K 』 覺個好請來給我讚好 ~( ≧ ω ≦ )/~♥ 小師奶卡卡奇遇旅圖 CACAmazing Travel
