荔園 － 簡直可以 = 我的 童年和爸爸 兒時爸爸常常帶我去玩的一個地方，但畢竟年紀還小，記憶很模糊，只有很零碎的片段。 中環荔園的重開，是很多人的期待，不過往往期望越大，失望越大啊～ 聽見不少人失望的聲音：荔園不再呀、商業策略呀、好貴呀、搵笨呀… 唉，未到先聞，的確有點失望，但相反亦令我不抱著太大期望地到此一遊！ 而且在沒計劃的情況下剛巧遇上日落美景，推介大家跟著走一走！(⌒▽⌒)~♥ 到達入口處就可以直接入場，6月29日 - 9月初都是免入場費！ 一入正門就見到機械大笨象Tino，將香蕉拋入Tino口中就會叫和用象鼻噴水， 唔想濕身記住唔好企咁前啊！每半小時仲會表演一次便便添！lol 跟住就會見到好多經典遊戲，掟綠箭、叮叮船、恐龍屋、鬼屋… 全場最多的是攤位遊戲。 大部份都比較適合小朋友玩，已經係大朋友既我只是行下、影下相，懷念一下。 離遠見到個戲棚既物體，原來係俾大家坐底睇經典相片playback！ 一幕一幕的回憶衝晒出黎啊！唔知會唔會有人見返自己既照片呢～ 另一邊有食物區，好多野食，最受歡迎絕對係西瓜冰 & 雪糕！天氣咁熱、我真係驚佢地雪都雪唔切 XD 有一些太陽傘和大排檔位置俾大家食啲野休息一下 好多人！ 見到啲煙霧嘛？每個攤位四邊都會不斷噴住濕氣，為大家降降溫！幾好幾好～ 漸入黃昏，拍下恐龍背影 係咁咦行一遍整個荔園，無玩啲咩，影相多。 遊戲$10 - $80不等，價錢都比較貴，性質又比較適合小朋友，所以卡卡入去無使過錢就出返黎了～ ( 亦都係唔捨得使呢啲錢 ) 6:30pm 出園後剛巧遇上黃昏日落，反而更有驚喜！ 大家不妨抄考抄考呢個行程，因為真係好靚 (*≧∇≦*) 點擊圖片放大 慢步到中環碼頭 坐上6:58pm開動的天星小輪到尖沙咀 (星期六日公假 成人$2.8一程) 還看到如此日落美景！真係好靚呀～!!! 去片～～ https://www.youtube.com/watch?v=Ve9Y8ap9V-8 熱辣辣，到達天星碼頭吃卡卡最愛的意大利雪糕品牌 XTC (7仔行過少少) gelato 和 sorbet 都有很多口味，買前可以試試喜歡的口味再決定 我們吃了新口味：黑椒檸檬味 和 港式奶茶味！正～ 在尖沙咀海旁望返對面岸，維港美景盡入眼簾！一邊欣賞美景一邊吃著美味雪糕～！爽到呢！ 【溫馨提示】 1．玩前先download定荔園App，有儲分換金幣優惠！ 2．天口咁熱，去荔園記得做足措施：太陽眼鏡、傘、紅爆風扇仔、帽、防曬 少不得，多飲水以免中暑！ 3．人造草坪下面始終係凹凸不平的爛地，玩既同時要小心行路！ ______________________________________________________________ 荔園Super Summer 2015 開放日期：2015年6月26日至9月初 開放時間：1100-2300 地址：中環龍和道9號中環海濱活動空間 網址：http://www.laiyuen1949.com/ ______________________________________________________________ 更多分享吃喝玩樂、機票優惠、酒店優惠、旅遊資訊 ▼▼▼ 更新 update 盡在『 F A C E B O O K 』 覺個好請來給我讚好 ~( ≧ ω ≦ )/~♥ 小師奶卡卡奇遇旅圖 CACAmazing Travel
