我都係哩幾年睇discovery既旅遊節目先知道原來緬甸有個如此著名既旅遊名城，原諒我孤陋寡聞！ 柬埔寨既吳哥窟，印尼既婆羅浮屠和緬甸既蒲甘係東南亞最著名既歷史古城和古蹟區！3個地方邊個最好我就唔夠膽講，因為蒲甘係哩3個地方之中我到達既第一個地方。 但今次蒲甘之旅令我非常深刻和滿意！先講深刻既地方，我乘搭由仰光地獄號火車到達蒲甘後搭的士去到酒店。預左比當地的士佬坐地起價。Ok never mind! 人生路不熟，緬幣計落唔係太貴！ 覺得印象深刻係因為經歷左人生第一次地震！（有興趣可以上網搵新聞，8月的緬甸地震）就係我到達的當日，去到酒店擺低行李後就租左部單車遊覽。但在火車度成晚都無咩點訓，所以個幾鍾後就返回酒店稍作休息，諗住夜D先出去影平原廟宇日落！一閉上眼就感覺張床在搖晃。剛開始以為太累所以有幻覺（因為從來都試過所以無諗過係地震）。所以無乜反應，到幾秒鍾後先開始覺得驚！即刻跳起身離開室內。 果次地震對我來講係一次非常深刻既經歷，有幾多個香港人真正嘗試過地動山搖既感覺。我認為我係幸運的，如果地震再強烈少少，我就可能葬身於瓦礫中！ 地震後個人清醒晒，當時仲有有少少雨，但我都把握時間騎著單車出去睇日落。點知日落就唔係好睇到，但竟然見到我人生中最完整既彩虹！半圓形的彩虹換跨天際，座落再平原上。 望返報導當時有數量頗多既廟宇和佛塔受到這次地震的破壞，不過我就唔太覺得。而這次的地震是我這次蒲甘之旅印象非常深刻的地方！ 滿意當然係因為蒲甘名不虛傳啦，這個世界其中一座最美麗的古蹟城市。在這個城市的任何地方都可以見到不同的寺廟和佛塔，數量之多難以形容。處處景色都令人難忘。如果想嘗試每一座廟宇和佛塔都影相的話，應該需要來臨這個古城好多次！點擊圖片放大 +3 蒲甘分成三個區域，老蒲甘、新蒲甘和良烏。選擇住邊度都唔會有太大分別，因為這些廟宇和佛塔遍佈整個蒲甘。 歷史就唔多講啦，見到壯觀的廟宇群可以感受到這個地區以前輝煌繁盛的一面。蒲甘主要街道上好多地方都可以租電動單車，亦係遊覽這座古城最好的交通工具。方便靈活，周圍都可以隨時停車而且價錢非常便宜。有些遊客會選擇馬車，這是一個好有當地風格既有趣旅遊交通工具。不過我就不太建議，因為蒲甘係一個炎熱既城市，而且又唔可以隨時停低遊覽影相。 另外仲有幾個遊覽活動，其中最熱門和最受歡迎係乘坐熱氣球，在高空觀賞壯觀廟宇群。不過價錢頗為昂貴，需要一早預約。另外也可選擇在河上欣賞古城美景，在老蒲甘城區就有碼頭，碼頭上有船家可以提供水上遊覽服務。 餐飲方面不用擔心，在主要幹道上都有許多唔同類型的餐廳。尤其在良烏城區，有許多唔同國家菜色餐飲可供選擇，而且價錢都好便宜。 來到佛國緬甸一定要來蒲甘這座古城，這是一個非常美麗的城市。回顧過去，這座城市經歷左好多天災和戰亂的破壞。而今次地震亦都破壞左好多廟宇和佛塔，所以修葺這些珍貴古蹟非常重要。由1995年至2008年，至少1299座廟宇和佛塔在碎石堆中重新建造起來，另外有688座受到破壞既建築物大修過。上網既資料就話修葺重建的質素參次，修復工作工藝低劣。不過我作為普通遊客，外觀上就見不到有什麼不足既地方。不過廟宇內就覺得有點怪異，在些香火鼎盛既廟宇內，裝有閃動的的霓虹光管。在這些神聖又莊嚴既場所裡面見到閃動紅色和綠色的燈光真係覺得有點怪異！ 最後有一些tips給蒲甘旅遊者： 第一係防曬，蒲甘雖然唔係陽光與海灘既地方但紫外線異常猛烈和氣候非常炎熱。而且整個城市甚少遮蔭地方。所以來哩度記得要準備防曬乳和飲用大量清水，以我經驗，淺色長袖裇衫是非常好的選擇尤其係選擇揸單車或電單車的時候。 第二係穿著拖鞋，凡進入所有緬甸廟宇都要除鞋與除襪，包括蒲甘。在蒲甘這座廟宇數量如此驚人的地方，穿著拖鞋可以節省好多時間。 第三係小心蛇，我自己就真係好驚哩種生物。去到第一日就見到兩次，第一次係街道旁邊，有群眾捉緊。第二次係其中一座廟宇內，真係好驚。蒲甘多蛇係所有緬甸人都知道，所以來到這裏需要有這個心理準備！ Facebook: B&W Travel Life
