大金塔 這個是世界上佛教最神聖場所之一，位於緬甸最繁盛的城市－仰光中央（仰光不是緬甸首都，軍政府於2006年將緬甸首都由仰光遷都於內比郡）。幾乎在仰光任何地方都可以見到大金塔，27噸的金箔裝飾包圍著99米高的佛塔，異常矚目。佛塔頂部更有大量唔同顏色既寶石和鑽石，真係好難想像這種建築物座落於戶外。 大金塔歷史成匹布咁長，我略略講些少。這個佛塔相傳已有2600年歷史，但傳說終歸爲傳說。考古學家則認為大金塔起 於公元6-10世紀左右，之後經歷了許多天災和人禍而重建了數次。當然一開始並唔係全塔鍍金，而係好似好多東南亞地方既廟宇佛塔，係座雄偉既石做佛塔。 爲佛塔鍍金既傳統始於15世紀，當時有位女王（Queen Shinsawbu)捐獻了和自己體重相等既黃金爲佛塔裝飾。而其後代亦學習她的做法，她其中一名女婿（Dhammazedi）獻出了他與他的妻子體重四倍既黃金。 大金塔所在的山丘50米高，整個建築群佔地46公頃。與好多緬甸寺廟一樣，大金塔有4條入口通往，都係有頂既行人路。（也好似一般緬甸廟宇一樣，去到入口處就要記得除鞋）每個入口處都會有一對辛特——九米高的金色半獅半龍神獸駐守。 點擊圖片放大 +2 由入口處走上平台，一路上有許多畫像，講述佛陀釋迦牟尼既歷史。係金塔附近也有好多石碑講述這個建築群及歷史和傳說，如果有時間都建議請個當地導遊，可以令到行程更加豐富。 這個壯觀雄偉的建築群是遊客逗留在仰光的主要原因。因為每日唔同時間都可以欣賞到唔同景色，無論日出定日落都會有令人意外的驚喜。 不過我就無再觀賞日出與日落啦，大金塔逗留了兩小時就去下一站，以上資料都係由Lonly phanet得來，希望唔好話我侵犯版權啦！！如果有任何講錯地方多多包涵，不過真心覺得哩本旅遊書堅好用，旅遊必備！！！ 另外少少故事由我當地親友口中得來，未能敲究真偽。緬甸每一座金塔都係上方都係中空既，裡面都係珍貴既金銀珠寶，翡翠玉器。每年都有個時候就會打開上層，前來的信眾們就會除下身上配戴的珠寶投放與捐贈袋中，而捐贈袋就會擺入各個金塔上方流傳下去。 這也是緬甸這個黃金之國屹立不倒的原因！ Our Facebook Page: B&W Travel Life
