少少題外話先，在3年前，我去左浮羅交怡旅行。在旅程中意外發現在浮羅交怡的附近有個非常美麗的泰國小島，但當時果邊屬於雨季，島上大部分酒店與餐廳都唔開。所以果次無去到。回港後對果個地方，念念不忘。於是在網上搜尋資料，香港網站鮮有旅遊資料提供，詢問身邊朋友都無聽過果個地方。我主要係外國或台灣網站先搵到關於果邊資料。半年後毅然與女友踏上這個神祕海島，路程當然唔易，又要轉機再轉船。仲因為擔心島上咩都無，而係浮羅交怡買左支大酒過去。點知一踏上就愛上，兩年內去左3次。Detail哩度唔多講，有興趣可以上網搵料，果個小島叫Koh Lipe。 點解要講哩段經歷？就係因為我至次之後相信每個熱鬧，多人的旅遊地方附近，都會有美麗，安靜無咁多遊客既世外桃源。眾所週知，遊客一多，幾美麗既景點都都唔會覺得正，幾乾淨既沙灘都唔會覺得relax。所以兩個月前毅然辭左份工嘗試實現夢想，開始尋找哩D冷門旅遊島嶼，試下可唔可有D迴響。 第一站日本，由石垣出發。因為香港人愛日本。而且石垣剛剛先有直航機，因該會比較多香港人想知多D關於石垣資料。總共21日，去了8個島嶼，轉左8間民宿，唔記得坐左幾多次船，潛左一日水。遊記就已經打晒啦，有任何關於果邊問題可以直接問我。 第一集：石垣遊 https://youtu.be/eWBWkxUj9e0 第二集：Dive https://youtu.be/l5hu_yaJH4E 第三集：石垣幻之島浮潛 https://youtu.be/y41McIjEfUY 第四集：八重山群島：小濱，竹富，黑島和西表島 https://youtu.be/4qBfa2de214 第五集：慶良間，座間味與阿嘉 https://youtu.be/EHRCRZi6_GY 第六集：慶良間，渡嘉敷 https://youtu.be/lOP7i5CW7Ow 第七集：慶良間諸島6大海灘 https://youtu.be/FZQ1fe3GrHQ 第八集：石垣航拍 （得石垣係因為部機係石垣飛左幾次就炒X左，灰到喊。） https://youtu.be/HPqueOvRXIE Facebook Page: B&W Travel Life 仲未走既非常感謝你聽我呻多兩句！做人中肯D，唔似得D旅遊節目咩X都話Perfect。關於這次日本之旅我感覺一半一半，唔係話唔靚，果邊D景真係好X靚，真既！不過可能係我哋兩個要求高。有幾點覺得感覺麻麻， 第一當然講水啦，水清沙幼，哩點不容否認。在石垣和渡嘉敷海底深潛和浮潛，的確水既能見度好高，有好多五顏六色珊瑚。但魚類就唔算多，而且見唔到大魚，可能果個傳聞：所有大魚游進日本都會被食落肚係真既。 第二係八重山群島頗為失望，去左幾個島都唔覺的有咩大分別，而且海邊不太適合游泳和浮潛，可能淨係去1-2個感覺會好D。 第三係果幾個海島雖然依家都算有D遊客到訪，但英語水平認真麻麻。有好多民宿或潛水店，甚至浮潛一日遊鋪頭都唔接待唔識日文遊客，雖然都明白當地人唔憂做生意。 最後講少少關於自己，我知全職做我哩D係好好好高難度。但依家已經開始洩氣，原來想認認真真叫人like係咁難既。哩個完全係燒錢玩意。我今年30出頭，唔知個哩個燒錢夢想可以燒幾耐，可能過多兩個月就要跟夢想講bye-bye，may be去投身建造業啦。
