正常一家公司，正常一份工，根本不需要，也不可能要員工成日慣性OT，什麼是成日慣性OT？就是三日唔埋兩日就要OT。當然一些特別性質的公司除外，要成日慣性OT的公司，一般都有補水，否則鬼同你OT。 OT對公司和員工都是弊大於利： 員工習慣了拖延，工作效率低了。 員工私人時間少了，欠缺足夠休息，牺牲正常社交，家庭生活......心理和生理的健康差了。 公司營運成本大了，水電費多左，成日有員工病，醫療成本大，工作氣氛差，HR好L忙，成日有人走，要請人...... 精打細算的腦細又點會喜歡員工成日OT，佢請返多幾個人唔好？即方便又快捷，除非唔係腦細。 那究竟OT是怎樣煉成的？ 扮出來的！扮多野做，扮職位重要，工作繁忙，公司無左我唔得！其實就是心虛而又無所事事。 逼出來的！辦公室生態攻防戰，擺出一副防守姿態：我好L多野做架，成日OT架，咪再俾D雞毛鴨蒜的工作我做。 能者多勞？能者多癆就有，肺癆嗰癆，現實是一個美麗的誤會，如果乜都你做晒？我做咩？所以能者不可能多勞，大多數是無得撈。 如果準時走？ 會被標籤為懶人，手上無野做，好L得閒，無價值員工......都唔知邊個咁樣定義準時走的員工，可唔可以咁睇先： 準時走的員工是工作效率高，時間管理得好，今日事今日了，公私分明。 腦細英明，善於管理，工作量按排適當，公司架構良好，大把盈餘，人手充足。 所以正正常常一家公司，而你要成日慣性要OT，是不是你自己跟陋習，從大隊，有份造成？拔亂反正，唔使有吉屎，今日收工時間一到，就昂首挺胸，大大步準時走出公司門口。
