細個個陣無認真保養，而且仲經常誤踩護膚誤區用錯洗面產品、濫用護膚品、皮膚差仲要格硬化妝、卸妝唔徹底等等搞到肌膚屏障崩潰，臉上嘅紅腫暗瘡無疑正在無聲控訴自己護膚不力！多手唧臉上嘅暗瘡令到臉上留下月球坑洞嘅痕跡，而且毛孔變得愈黎愈粗大：（ 遠睇塊面好似無咩特別，但一近睇就嚇死人，可能男朋友嘅毛孔都比我細因為試過好多家用方法收毛孔都唔係幾見到效果，例如用唔同收毛孔產品，定期去角質，日日敷面膜，冰水洗面之類都無咩用所以自從出社會做野，我決定比錢去專業嘅美容院做機facial，雖然價錢係唔平，但勝在快速有效果，個人靚啲，自信都番哂黎啊！ 我去左銅鑼灣一間親民美容院度試做呢個療程因為我個鼻同臉好多凹凸洞，一直困擾左我好耐，本身諗住做Pico嘅，但個美容師話皮秒主要打斑勁如果要收毛孔同修復凹凸洞呢，就用呢部CO2機就最Fit我第一次做機Facial，痛到我標眼水，但做完即刻覺得塊面緊緻左，同埋乾左，原來做完啲光Facial要不停敷補濕野架，等過幾日退紅好番之後就係最靚喇:) 不過唔好諗住做一次就搞掂呢啲千年凹凸洞問題，美容師話做６次先可以解決到80%嘅凹凸洞，所以我呢趟修復月球表面之旅先岩岩開始喳！
