Perth珀斯 - 陽光之城 當你去過Sydney,到過Melbourne,走過Tasmania,但仍然對澳洲情有獨中,Perth絕對係一個好選擇。作為澳洲第四大城市,呢度唔似一般大城市咁人山人海,甚至大街小巷都唔多見,人口只有百幾萬,四野只見羊多過見人,如果香港嘅足球員黎到一定好葡萄,因為呢度草地面積應該大過成個香港。全年超過120日係藍天白雲,難怪令珀斯有陽光之城的稱號。 交通 : 由香港到珀斯可以選擇Singapore Airline,在新加坡轉機,淨機程大概9個鐘左右,不過因為要轉機,所以感覺上不算太久,而去到珀斯基本上係揸車去不同景點,汽車數目極少,所以相當方便。 天氣 : 夏天去平均攝氏28度(2月最熱),冬天平均攝氏14度(6-8月) Busselton Jetty - 南半球最長嘅碼頭,要坐10分鐘特色小火車由碼頭嘅頭去到尾,沿途 景色美麗動人,仲會見到海豚暢泳,一班後生仔女跳水,曬太陽等等。 Wave Rock 波浪岩 - 氣勢磅礡,因長時間被海浪沖積而成,係珀斯其中一個必到景點。 Lancelin 白沙丘 - 望落去雪白色,離遠望過去好似雪地咁,記得帶口罩呀,如果唔係果日食沙都飽哂。 Pinnacles 尖石林 ~ 一條一條奇型怪狀嘅尖石呈現眼前,比起英國Bath嘅Stonehenge更加有氣勢。