香港之鏡 ~~ 下白泥 每當提起天空之鏡，大家可能第一時間會諗起玻利維亞嘅Salt Lake，但係身在香港嘅大家想去呢個南美國家可以話係遙不可及，可能香港人習慣把目光放得好遠，成日想去一D好遠但香港都有的景點，其實我想講香港本身就已經有無數的世界級自然風景，而當中更不乏天空之鏡。 今次我地就去到位於新界西嘅下白泥，呢度可以話係情侶或者未係情侶睇日落必到的地方。坐車方面我地就由元朗西鐵站行10分鐘左右去到泰豐街坐33號小巴，車程途中會經過流浮山，之後喺鴨仔坑落就岩（跟大隊啦），另一個途徑就係揸車去，呢句說話看似好廢，其實係一啲都唔廢，因為當你由下白泥出番元朗等小巴分分鐘成個鐘都未有車出得番去，所以有車的同志們，揸車去啦。 教埋大家影相喇，要影到玻璃鏡嘅效果其實係角度問題，你無靚相機一樣掂，首先搵灘平靜嘅水，越大灘越好，之後張你部手機有幾貼得幾貼近水面，最好帶個兜，咁就唔怕整濕部機啦!!!
