大陸真係好多好野食，鍾意食或者唔鍾意都不容錯過，因為睇完你都會想試試。 石岐佬 今次黎到珠海，適逢中秋節連放3日假，小弟就番去三鄉雅居樂，雅居近年發展迅速，每次上去都幾乎有新樓落成，而我地其實早喺十幾年前已經買下一個單位，放假時可以上去過下退休生活，靜靜地都幾舒服。 講番今次我地去左好幾間有特色嘅餐廳，我可以大膽咁講，無一個人去到會覺得啲野唔好食。第一間要介紹嘅就係石岐佬，由雅居樂出發大概要40分鐘車程， 大家最好12點前就好去到，如果唔係等最少一個鐘先有得食。 呢間餐廳特色之處在於佢所有煮食地方都係開放式，即係話你可以睇住佢煮，咁食起上黎都放心啲啦。 呢間餐廳好識做生意架，門口就見到有兩個人煮緊佢地招牌大煎堆，吸引哂啲人過黎好似睇表演咁，開頭我以為你咁大舊實係好睇唔好食，但一食落去唔洗講野，正到爆炸！！！咁岩佢又似個月亮，我地直頭喺度賞月AHAHHA 點擊圖片放大 另一個令我一試難忘就係菠蘿包，你一聽到菠蘿包，係咪覺得好廢呢，香港大把啦，但係有菠蘿嘅菠蘿包你又試過未，包入面有菠蘿，加埋菠蘿蓉，問你死未，正到一個點係你無法用筆墨形容，有機會真係要試試。 嘩!!!!!!!淨係呢間野我都已經好多野想介紹，胡椒水浸生蠔新鮮又大隻，佢有個位置睇住佢即開新蠔；冰震秋葵又爽又凍，喺炎熱嘅天氣下就好似黑暗中帶點光明一樣，透心涼；無骨鯇魚腩，係我食過咁多魚以黎最好食嘅魚，魚味好濃，夠哂香口，少少脆嘅感覺，真係無得挑剔；仲有腐皮，即叫即整，睇住佢由豆漿變腐，感覺好新奇，因為未見過；最後仲有煎釀豆腐，啲豆腐有咬口又唔會好易散，加埋少少咸魚蓉，十分喜歡食豆腐嘅我表示想即刻番過去再食過呀頂。最重要一點就係價錢方面係燒鵝嘅味道，遮渣嘅價錢，一個字抵食。其實餐廳仲有好多好多美食，可惜又要等下一次先可以再去喇。 除此之外，餐廳仲有紀念品賣，我地就買左條圍裙做手信，都幾得意架。 點擊圖片放大 +19
