今日係休閒日,連續兩日都晨屎咁早就起身之後,今日終於可以訓到10點因為酒店早餐11點收,所以唔想浪費左佢。 Day 3: PanBistro-->Supercheap Supermarket-->Weekend Market-->Patong 今日我地去左試另一間叫Market Place,一去到已經超級無敵多人,結果我地要坐出面,同雀仔一齊食早餐。呢間野如果可以坐到入面就好,一黎無咁熱,二黎可以對住個180度無敵大河景,仲有人划船tim,望住咁靚嘅景色一定會食得份外舒暢。講番啲食物,呢間明顯比作天的為多,有空心薯餅,脆皮煙肉,奄列,泰式湯河炒河,仲有我最鍾意食嘅木瓜,泰國嘅木瓜係超甜色水又好,每次黎親都食番唔止十舊八舊,唔知食完會唔會大隻啲,食完早餐之後仲有杯拉左花嘅cup不千奴,我就唔飲嘅,本身對咖啡無咩性趣,所以我都係飲杯茶算數。 點擊圖片放大 +2 食完個靚早餐,再痾個靚屎,就行出個Laguna Beach,呢個沙灘多數人都係曬下太陽,扮下人妖打排球,好少話走落去游水,因為都幾大浪同埋無救生員,浸死都無人知,當日仲要掛紅旗,不過都仲有人走去衝浪,佩服佩服!!!仲有一樣就係呢度啲沙比較粗,夾雜住啲碎石,加埋猛烈的太陽,唔著鞋的話除時會腳底開花,所以我地都只係逗留左15分鐘就走左,因為要游水曬太陽,我不如番酒店個泳池好過啦於是我地就浩浩蕩蕩咁準備去游泳池喇。 話說番去途中,有間野有啲好特別嘅手信賣,就係被泰國人視為神嘅象.......屎明信片,簡稱屎片,女小編表示新奇又有趣,最特別張野竟然一啲屎味都冇,咁咪買張寄番去囉。手信又買左喇,又係時候去玩水喇,酒店公共泳池應該超過100公尺,有一個小型人造沙灘,俾小朋友玩下堆沙,亦有水上排球手球籃球,約埋班frd玩又得,跟隊都得,自己一個玩都好好玩架,不過我地係一樣都冇玩到嘅我地淨係去左游水果邊hea下,我發覺原來用浮潛啲野去游水都幾正,可以唔洗上水呼吸,平時唔係幾識上水呼吸啲人岩哂(女小編)呢個泳池係用運河形式,所以會經過好多地方,其中一個係按摩池。我地呢啲好奇心重嘅咪走入去睇下佢咩葫蘆賣咩藥囉,嘩,原來都幾舒服喎,兩碌水柱射埋個背脊,尤如兩隻姆指大大力咁按下按下,其實原本就好舒服,跟住有一對外國情侶個嘴又按下按下,成件事就變到我地要讓俾佢地嘴部按摩,而我媽媽非常不好彩,我地走左之後佢入去,見到佢地按緊其他地方,外國人嘅開放程度真的不容忽視。 話說我地今次旅行租左兩隻wifi蛋,不過我聰明的弟忘記左自己放左隻蛋入褲袋,游左成個鐘都唔知,係老豆話打唔到機嘅先知道瀨野,一係唔見左,一係就壞左,結果hahahaha當用1000蚊買個教訓,學弟話齊:我第時賺埋賺埋1000蚊算得係咩,佢當時就緊係發哂脾氣,我就緊係繼續撩佢啦游多陣我地就番酒店沖個涼訓陣,之後就出去食野。 大概4點我地先出去食晏,餐廳就叫PanBistro,佢有海鮮食,亦有pizza,意炒等等,呢間野係值得推介,唔多講試過就知,淨係個燒魷魚加個泰式綠色汁,都值門票價。再加上果樣紅色嘅芒果汁絕對令人一試難忘。 點擊圖片放大 +5 食飽飽之後,我地就行兩分鐘入左間Supercheap supermarket,話明supercheap啲野緊係平過人,李德能牌漱口水賣緊10蚊港幣,所有野嘅價錢應該同20年前嘅香港差不多,真係堅平,都係果句,唔信就自己黎睇下啦。超級平嘅地方又點止一個,接住我地就揸車去Weekend Market。weekend market淨係星期六日先開,佢係位於Central Festival附近,好似曼谷嘅翟道翟一樣咁大,我會形容佢為香港嘅鴨療街,比較平民化啲,少啲遊客,如果你唔怕熱絕對係一個非常值得去嘅一個市集,我相信呢度行一日都得,我地淨係喺門口睇帽都睇左半個鐘,大佬呀25蚊一訂,仲要有好多唔同款式選擇,最後我地買左4訂....由於我地夜晚要睇人妖,所以要怱怱忙忙咁睇,沿途我地買左80銖茫貼,兩款情侶褲,記得記得要講價呀,我唔怕俾人話c9,因為講價乃本人最擅長的,好似最後講到150銖兩條,最後我地入左間賣波衫,終於俾我地買到李城,200銖喳,同真嘅我覺得無咩分別,而女小編買左件寫住XL原來係大人細碼嘅曼聯波衫,又多一套情侶裝....我地行左一個鐘就要離開現場,去睇人妖。 人妖都係喺番芭東果邊睇,我地又去番前晚果間買飛,順便買埋明天玩餵馬騮,ATV,激流,極速滑梯,jungle walk,騎大象,夾夾埋埋都係2200銖左右一個人,佢安排都幾周到,但由於太遲,所以接啲人去駕車已經走左,我地要自己坐車去,而媽媽弟弟唔睇就去左按摩,呢晚我地又去番Loma Market食,又係食番啲炒粉麵因為太趕時間,咁呢我地未食之前想去一去個廁所,簡直好似拍緊鬼片,先要一個樹林,然後一個人都冇,陰風陣陣,行行突然有個人叫我地,但我地睇哂周圍都見唔到有人喎 食完野就去睇人妖喇,我地就坐車過去啦,10分鐘車程左右就到,第一個感覺係布吉呢度個規模比芭提雅細好多,似香港嘅文娛中心,芭提雅就似外國嘅歌劇院,不過無所謂啦我地都係致在睇下人妖係咪真係咁靚。等左一陣終於開騷,仆你個街男人黎嘅,一出場竟然係男人,唔係話啲人妖似男人,而係真係男人嘅男人,人妖呀回水,回水,好彩啲人妖都好快出黎開始表演歌舞,佢地全部都係咪嘴因為佢地雖然樣靚身材正,但把聲全部都係老牛,鴨仔聲,其實個樣係得幾個靚,仲要多數企喺側邊,下次去真係要特別留意企側邊啲人,人妖騷其實都幾悶,但係每次果個肥婆出黎搞笑就成個人醒哂,佢捉左個遊客上台玩,又攬又錫,笑到我pa喺地..... 大概一個鐘左右個騷就完,我地就出後台同人妖影相,離遠影就唔洗錢,但合照就要收100銖一個,我發現多數靚嘅同唔靚嘅會企埋一齊,本來我淨係想影靚果個,點知個唔靚嘅又企埋黎,最後兩個都要俾錢,不過我地算好彩,有個外國人摸左人妖個胸,結果緊係俾人屈到跪喺到,唔到佢唔俾錢,影埋相就番芭東會合其他人,緊住就揸車回酒店準備明天嘅精彩行程。