上星期的 Long weekend, 就去了食大閘蟹~~今回去了"紫粵軒" 的任食, 地方寬敞, 有空間感, 都有幾多服務生ready 呢~~ 今年這裡有個新規則, 就是每人每次限order 兩隻, 只需你Order 了的兩隻一送到, 就可以立即再Order 啦~~ 先會送上三款前菜, 有話梅爽脆溫室白涼瓜, 鮮人蔘陳年花雕醉雞及花菇鮑魚絲湯羹 ~~ 雖然他們不是主角, 但質素都不俗! 加分~~ 點擊圖片放大 大閘蟹就有五款口味, 分別是清蒸, 冰鎮黃酒浸, 風沙炒, 荷葉糯米蒸及蛋白蒸~~ 我們根據酒店的建議, 先食冰鎮黃酒浸, 再食蛋白蒸及荷葉糯米蒸,再食清蒸, 最尾食風沙炒. 就看看是不是跟著這次序會不是很yummy 呢~~ 其實我個人就覺得清蒸可以放在前一點的位置先食, 因為蛋白蒸及荷葉糯米蒸都會有較多的層次, 感覺rich 一點呢!! 這就是冰鎮黃酒浸啦~~芳香濃郁的黃酒更能帶出令大閘蟹的鮮甜!! 黃酒亦充分滲透蟹的各部份, 相當惹味!! 蟹膏亦算中規中矩, 細蟹來說,相當不俗!! 蛋白蒸的就是食蟹蓋的, 有點燕窩, 蛋白很香, 配上蟹膏, 誘人萬分!! 荷葉糯米蒸的一款幾特別!! 有心思呀! 而我亦幾喜歡荷葉糯米蒸的一款, 荷葉的香味深深地留在口腔中, 齒頰留香呢!! 糯米放在蟹蓋中, 配上蟹膏, 真的是一啖飯一啖膏, 超級yummy~~ 糯米跟蟹都幾 match 呢~~ 喜歡較濃味的朋友應該會對風沙炒的一款會幾欣賞~~微辣, 有很多紅椒及炸蒜, 所以十分惹味!! 食飽飽就會送上薑茶給大家驅寒啦~~(上年我都有到這裡食大閘蟹, 我記得上年是一坐底, 就有一壺薑茶, 是一路曖住的, 不過今年就改變了玩法呢~~雖然改變了, 但質素依舊不錯!!) 任食是由6:30pm 至 10:00pm, 時間都幾充裕呀! 紫粵軒 將軍澳唐德街3號香港九龍東皇冠假日酒店2樓7 大閘蟹任食由HKD 418- 488 (不同日子價格有所不同)
