每天回到辦工室，就好像踏入一個戰場一樣，而你便需要變身成為 multi-tasking 的好員工，以「唔洗急，最緊要快」和「全中」的工作態度完成手頭上的工作。 由於 office 如戰場的關係，不少同事都是繼續努力跑「死線」同追 KPI ，而這一刻總會有一些「離地」的同事走出來，發表他們的看法及建議等等。 以下是我所觀察到的【 如何面對「離地」嘅人 / 同事 】的方法： 1) 一笑置之，等佢講晒就算 回覆：「係係係！係嘅係嘅～」（加埋個四萬的笑容，表現得十分冷靜，但心想：幾時講完呀大佬！） 然後，一路對住電腦，繼續處理手頭上的工作。 2) HEA 到佢都唔想同你講嘢 回覆：「Errr... 你講咩呀？唔知道呀‥‥‥」（加多對超頹的眼神 + 眼訓樣，等待你講完野個一刻。） 然後，繼續頹爆對住電腦工作。 3) 扮明白，但現實是什麼都不懂。 回覆：「唔唔～唔唔～」（心想：其實你究竟在說什麼？） 4) 扮明白 + 嘗試去幫助他 回覆：「明嘅明嘅～咁我可以點樣幫你呢？」（心想：你又要發表咩偉論呢？） 5) 怒火街頭的青年 回覆：「咁你有咩嘢想改呢？」（ 瞬間變面成為黑面神 + 隔住個位都嗅到陣火藥味。） 6) 你有你講，我有我做，大前題：你唔好阻住我做嘢！ 回覆：「停一停先，你個啲嘢唔會影響到我嘅嘢架嘛！唔會嘛，OK，你繼續。」 看過以上的「設計對白」，不知道大家有沒有發現自己的影子呢？ 有時候，我也會想到一些「離地」的想法，然後我會思考一下其可行性才詢問同事，以免成為眾人的「離地一族」。 小結： 面對著「離地」的同事或建議，大家或多或少都會有一些意見，而同事會安慰我「嬲得多會有皺紋㗎」，希望這句話都可以幫到大家。 最後，其實世界上太多「離地」嘅人，你又可以嬲得幾多個呢？放鬆啲啦～Relax！ Bubeee’s Blogspot : http://bubeee.blogspot.com Bubeee’s Weibo：http://weibo.com/bubeee Bubeee’s Twitter : http://twitter.com/bubeee Bubeee's Facebook FanPage : http://www.facebook.com/bubeeejenn Bubeee’s YouTube Channel: http://www.youtube.com/user/bubeeeable Email : jenki1223@hotmail.com / bubeeejenn@gmail.com
