(註: 此次旅程實際為2013年5月) 黎到Chapter 3, Hollywood 同Universal Studios 只係一個metro station 之隔~ 所以呢兩個景點如果可以一齊玩嘅話會慳好多時間~ 但其實Universal Studios 都可以玩足一整日~ 外面更加有City Walk (即好似Downtown Disney) 第一件事就係要作出特別鳴謝~ 感激Universal Studios Hollywood Publicity Department 特意為小弟準備Front of Line Pass~ 令到我呢一日喺park 內暢通無阻~ 而如果大家去過其他Universal Studios 或者睇過我去Singapore 遊記~ 就會發現呢個Front of Line pass 其實係一個用錢買時間嘅Fast Pass~ 適用於所有attractions~ 只要你掛住呢個牌就可以由特別通道直接行到上車位 / 座位~ 而呢個pass 就算唔係人多嘅日子都可以慳返好多無必要嘅等候時間~ 都只係花多幾百蚊港幣~ 去旅行時間最寶貴~ 下次遊覽Universal Studios 不妨考慮一下!~ Universal Studios Hollywood 有別於其他Studios 甚至Disneyland 嘅地方係... 呢度係一個仍然運作緊嘅Studio~ 雖然話依家好多電影都已經用上電腦製作~ 但呢個studio 仍然會用作拍攝電視劇~ Desperate Housewives 成條Wisteria Lane 都係呢個studio 取景~ (因應呢個問題問過一位當地從事theme park 界嘅朋友~ 點解Disney 電視台播映嘅劇集可以喺Universal Studios 度取景~ 原來美國呢邊拍攝自由度好大~ 佢地鍾意去邊拍攝都得~ 而且Disney 旗下電視台只係擁有發行播映權~ 並唔等如呢套劇係Disney Productions~ 又多一樣知識啦~) 由於呢度仍然係一個functional 嘅studio~ 所以佢地俾遊客玩嘅地方都冇特別planning 同理會任何theme~ 你可以話佢設計得雜亂無章~ 因為佢最大資產係山下一大塊拍攝用地~ 呢幅相去到後面座高建築物... 全部都係拍攝用地! 呢邊有個神秘工程~ 其實就係The Wizarding World of Harry Potter 工程~ 呢塊版就係將來入口~ 去旅行前當然要做足準備功夫~ 呢個年代旅遊書已經唔及網上搵trip report 咁practical~ 網上達人教路~ 由入口起逆時針方向去玩呢個park 係最好~ 依家黎測試一下~ 如果以逆時針黎玩~ 首站應該係Waterworld~ 但因為小弟已經喺USS 度睇過~ 呢個show 冇錯係非常震撼! 但係我又唔想喺呢邊再睇多次~ 所以直接跳去下一個ride~ 第二個係Shrek 4D~ 呢個都喺USS 玩過~ 但實在太愛呢個attraction~ 俾120分佢~ 所以黎到都係玩多次~ 外觀就當然係新加坡做得更仔細~ 不過唔知點解我又可以原諒同接受USH 做得咁馬虎~ 入到去就完全一樣 而呢度更加有隻Donkey interactive character 旁邊係一個小朋友玩水地方~ 又可以跳去下一個~ 最著名的Studio Tour~ 呢個Tour 歷時約一小時~ 但上左車就唔會覺得有一個鐘咁耐~ 此時wait time 係30分鐘~ 呢日已經係weekday~ 如果係weekend.. 真係唔敢想像會等幾耐.. 喺呢個時候就要靠Front of Line Pass 發揮作用啦~ 直入行到上車位~ 小貼士一個~ 呢個Tour 路線有機會作出調動~ 但絕大部分值得睇嘅景點都係車嘅左邊~ 想影靚相就記得揀坐左邊啦~ 除左有司機外仲會有個tour guide 向你講解沿途場景~ 而小弟覺得呢個tour 做得最抵讚嘅地方係佢有個video system 會路經場景時即時播返喺度拍過嘅電影 / 電視片段~ 好神奇! 有興趣可以上youtube search 黎睇~ 原本起行前有朋友叫我幫佢影Wisteria Lane~ 但好可惜我呢班車係冇駛入去~ 由紐約市區~ 到歐洲小鎮~ 再黎到西部 幾年前一場大火燒左一半studio~ 就連最著名的King Kong Animatronic 都燒埋~ 不過好好彩Creative team 用最新4D 技術將呢個經典重現~ 現場感受真係做得好迫真!! 單係呢個scene 已經好玩過Transformers..... Jaws War of the Worlds 飛機撞毀民居show setting~ 繼續行就會到達Simpsons 區域~ 呢度只得一個ride~ 但非常好玩~ 如果你係接受唔到猛烈搖動 (即Star Tours) 咁就可能唔會enjoy 啦~ 離開Simpsons 就會有幾條好長嘅扶手電梯帶你落到Lower Lot~ 幾個勁ride 等緊你.... Mummy! 又係玩過新加坡版本~ 再玩呢個版本係... 完全被比下去... 因為呢邊個版本冇乜Animatronic Figure (即係會配合故事發展做出特定動作嘅機械人)... 有一大半時間都只係漆黑一片睇夜光動畫... 有啲唔知想點... (小貼士: 如果你有睇到小弟USS 存放物品個小貼士~ 你都應該了解Mummy 呢個ride 係不能帶袋上車~ 所以入口旁邊會設置Locker~ 而呢邊更加係免費45分鐘!!!! 其實呢個流量咁大嘅ride 應該冇乜可能排到45分鐘... 所以.......... 請睇下面.. 到Jurassic Park~ 不過今次係坐船仔咁衝而唔係USS 圓形象皮艇咁轉~ 老實講.. 呢邊呢個好玩好多~ 上次USS 個版本轉黎轉去都睇唔到d Animatronics~ 如果閣下唔記得上次USS trip report 個小貼士... 依家再提多一次... Mummy 同Jurassic Park 都係需要用儲物櫃~ Mummy 係有頭一段時間免費~ 而Jurassic Park 因為會濕身關係所以locker 使用量都較高~ 而Universal Studios 都好識做生意地將呢個water ride 個locker 定為要俾錢租借~ 呢個小貼士就係大家可以善用Mummy ride 個locker 先存放好隨身物品先進入Jurassic Park~ Lower Lot 呢個區域只係一條通道旁邊三個大ride~ 順時針逆時針分別應該都唔大~ 繼續行就係Transfromers, 都喺USS 玩過~ 唔多作介紹 仲有一個Exhibition~ 入面放左d 電影戲服同道具~ 依家做緊Back to the Future 特備展覽~ 點解過左咁多年都仲要特別講呢齣電影? 因為2013 年係「回到未來」故事入面嘅「未來」! 我地依家已經身處未來世界了! Lower Lot 已經完成~ 好似好少野玩? 但三個都係大ride 黎 一輪刺激機動遊戲... 係時候醫醫個肚! Upper Lot 左邊係一堆歐陸式建築物~ 主要係食肆~ USS 兩條大街分別以Hollywood 同New York 做主題.. 但我地依家已經身處Hollywood 又何需再整多條Hollywood Street 呢~? 所以呢邊就以英國為主題 Mr. Bean! 背後又係圍板... 呢度原本係Terminator~ 傳聞係會將佢改建成Descipable Me Ride 佢地都有出黎Meet & Greet~ 其實佢係行緊埋黎想用手遮住我個鏡頭.. 好可惜影唔到呢一刻~ House of Horrors... 原本呢個位係Van Helsing walk through 鬼屋... 依家改theme 變成集合Hollywood 經典Horror Movie Characters 嘅一間行走式鬼屋~ 而且呢間仲要係永久形式而唔係只得Halloween event 先開~ 我終於都玩到Universal Studios 鬼屋啦!! 尚算detail~ 而且嚇人方法好層出不窮~ 不過就唔好諗住有故事性~ 係一個又一個恐怖電影場景集結而成. 都值得推介!! Animal Actors~ 冇睇到~ 但呢個Special Effects Stage 就好值得睇~ 因為佢好深入淺出介紹Hollywood 電影慣常用嘅兩套特技手法~ 點擊圖片放大 +2 Universal Studios Hollywood 行程就係咁完結~ 後記: USH 俾我感覺係一個好有教育意味嘅theme park~ 兩個極力推薦嘅Attractions 係Studio Tour 同Special Effects Stage~ 我覺得其他幾個以Studio 為主題嘅樂園Studio Tour 有D 假... 但呢度就真係一個Backstage Tour~ 期間仲見到棚內有人搭緊景~ 好有說服力!! 我都算skip 左幾多野~ 所以等Despicable Me 同Harry Potter 開埋之後呢度應該可以玩更耐~ 再次多謝Universal Studios Hollywood Publicity 同場加映: City Walk~ 諗住唔會駛到錢啦... 但喺呢度都買到野..... 點擊圖片放大 +3 Mr. B Facebook Page
