(註: 此次旅程實際為2013年5月) 走出Disney's Soda Fountain & Studio Store... 其實已經身處喺Hollywood Blvd~ 一個殘酷嘅事實係... 由於依家電腦特技快速發展同普及... Hollywood 已經唔係電影製作嘅主要基地... 呢條大道上只剩低舊日荷里活電影曾經輝煌過嘅痕跡... 希望呢度可以經得起時間考驗歷久不衰... Chinese Theater~ Academy Awards 曾經都喺度舉行過~ 而現今頒獎禮已經輾轉改到附近Dolby Theatre 舉行~ 而Chinese Theater 前會見到好多著名電影演員手印~ 絕大部分都已經有好耐歷史 呢條大道兩旁都有多個見證住Hollywood 電影歷史嘅博物館~ 小弟參觀左其中一個~ Madame Tussauds Hollywood.. 杜莎夫人蠟像館喺全球多個地方都有~ 甚至香港山頂都搵到一個~ 點解要特登去到Hollywood 呢邊參觀? 因為Hollywood Blvd 呢個蠟像館唔會見到政治人物~ 唔會見到莫札特同愛因斯坦等等~ 而係全數Hollywood 電影巨星~! 數目眾多唔逐一介紹~ 不如等大家自行去認出佢地~ 點擊圖片放大 +43 Madame Tussauds 蠟像館慣常做法都會不時更新展館部分展品~ 尤其Hollywood 呢個地方出產多個電影巨星~ 又點可能全部一次過放晒出黎呢? 喺網上面見到都有好多蠟像都係小弟今次見唔到~ 可能更新會比我想像中密~ 而呢度好多蠟像旁邊都會放有props 同Costume~ 方便你即時著上同蠟像合照~ 增加投入感 Hollywood Blvd 仲有另一間蠟像館~ Wax Museum.. 1965年已經開業~ 喺Madame Tussauds 進駐前一直都係Hollywood 一個著名景點~ 但由於Madame Tussauds 製作實在太仔細... 像真度又夠高... (再加上全球名氣都較大)... 所以依家Hollywood Wax Museum 入場係及唔上Madame Tussauds... 地址： 6767 Hollywood Blvd, Los Angeles, CA 90028 電話：+1 323-462-5991 其他可以喺Hollywood Blvd 搵到嘅博物館 Hollywood Museum - 一切同電影有關嘅事物... 戲服, 道具, poster, 唱片 地址： 1660 N Highland Ave, Hollywood, CA 90028 電話：+1 323-464-7776 Ripley's Believe It or Not Museum - 著名的信不信由你展覽館 地址： 6780 Hollywood Blvd, Hollywood, CA 90028 電話：+1 323-466-6335 小貼士 : 喺美國有好多著名旅遊景點都會見到有人著Costume 喺街邊等人同佢影相~ 有d 好hea (我見到有個中年失業Captain America~)... 但有d 係睇得出花過心機打扮~ 如果你走埋去同佢合照又或者影佢... 佢地都會expect 你俾錢~ Mr. B Facebook Page
