今年星級款待一系列收費項目之中唯一一個值得期待活動~ 就係公主晚宴~ 香港迪士尼樂園park 內首次有Character Dining Buffet~ 而且價格都尚算合理~ 所以之前都會向朋友推薦... 好可惜活動開始後評語好壞參半... 好嘅評語就係同過往幾年Christmas 同一地點舉行嘅Buffet 相比有進步.. 壞嘅就....... 1 - 無水供應?? 普遍Buffet 入座時都會有一杯水俾你... 進食期間都會有工作人員幫你refill 清水.. 臨埋單前就會有一杯餐茶... 但今次公主晚宴坐低時係冇水提供~ 而且極快速一坐低就遞上Beverage Menu.. 當問及有冇水時... 首個答覆仍然係話會包一杯餐飲... 最後答覆係「你要水嘅.. 可以俾你」... 以常理來說... 如果唔要嘅會唔會問你呢? 呢個答案似乎係由未受過training 嘅人講出黎咁~ 而且事發地點仲要係Disneyland... 2 - CM 欠專業 仍然係餐飲個問題... 一般Buffet 凍飲都係飲品同奶 / 糖分開上.. 落單前已經有詢問過兩者係咪會分開上.. 得到好肯定嘅答案係會... 但最後送上一杯已經落咗糖嘅凍飲.. 呢件似係微不足道嘅事... 但俾人感覺係Cast Member (迪士尼員工的正式叫法) 欠專業同欠缺溝通... 處事欠靈活同欠缺足夠自由度~ 又令到我諗起東京迪士尼兩夫婦食兒童餐個故事~ 3 - 收碟慢 現場有大約十個Cast Member 處理二十張檯約100個guest.. 個比例都算可以~ 但收碟速度就有好大改善空間... 隻碟已經得返d 骨喺度... 而個位亦都冇人... 正常都應該收碟嘅.. 偶然收唔切碟都情有可原... 但疊高到三隻碟都仲未收就有點兒過份.. 明白有可能因為Cast Member 做慣快餐self service 而唔係做開Buffet 所以唔識得應對... 似乎Training 都係嚴重不足... 4 - 一分鐘的會面 Character Diner 中嘅Diner 已經喺服務上被幾件小事搞到整件事唔完美... 希望Character 可以彌補到~ 畢竟呢個先係整餐晚宴重點.. 一般Character Diner 例如Enchanted Garden 同Chef Mickey (即現時渡假區內兩個buffet 地點) 都會見到Mickey 同班朋友巡場撩你玩~ 但呢個公主晚宴事實與宣傳照並不相符~ 公主係唔會主動走近你... 而係好似平時Meet and Greet 咁企定定等你排隊影相... 公主只會出現30分鐘~ 每檯只得一分鐘拍照時間!! 唔知背後原因係咪怕整污糟條裙定係現場環境太窄不便行動所以安排佢地企得老遠~ 但呢件事好唔friendly... Character Diner 唔應該係咁~ 窄咪移開啲檯囉~ 真正Princess Diner 應該係咁.... 點擊圖片放大 可幸食物質素並唔差~ 但一件小事又一件小事令到呢個experience 同評價一再降低! 呢啲錯誤都一定係關管理層事~ 一係training 時指引欠清晰... 二係冇提供足夠空間俾Cast Member / Character 發揮~ 考慮欠周詳又未ready 好... 就唔好硬推個service 出黎~ 如果要做.. 請參考其他Disneyland resort 或者現時兩間酒店運作模式~ 最後有一個問卷調查... 但都為guest 帶黎bad experience~ 原本又係小事一樁~ 都係啲小禮物引證到決策者不知民間真實情況亦都冇考慮周詳~ 我都明白Front line Cast Member 有好多時都係愛莫能助同冇話事權~ 但決策者如果係會諗清楚每個可能性同放多啲權力向下就唔會有呢d 不必要事件發生~
