大家好耐無去旅行，雖然慳到嘅錢未必買到樓，但食餐好嘅一定無問題！文華東方Clipper Lounge嘅自助餐出名好食，我次次去都係為咗D甜品！早幾日我同老公又去食自助晚餐，喂呀超有驚喜呀！今期係日韓theme，除咗有好多經典嘅日韓美食同一貫出名嘅海鮮之外，每位仲有一客韓國慶尙北道直送民俗韓牛, 肉質嫩滑, Marble又多又平均，仲好有牛味呀！食過真係返唔到轉頭呀！ 唔知大家知唔知，民俗韓牛原來係韓國國內頂級牌子, 本身只供應國內高級超市, 今次就有機會係文華東方品嚐到。而真正嘅韓牛，係未混雜其他品種、至今依然保存獨有血統嘅純種牛, 膽固醇含量低，氨基酸嘅比例同油酸嘅含量都比其他牛高。好似今次食嘅慶尙北道民俗韓牛，佢哋受當地政府嚴格監管飼養，飼料全部經過特別嚴格處理，牛隻飼料分為3個階段：3-12個月，13-24個月及25-36個月，不同年齡進食不同配方飼料，主要包含乾草及粟米。加上當地氣候溫暖、土壤及水質優良、牧場礦物質豐富，D牛唔靚都難！ 大家想試就快D去book，晚餐先有呀！點擊圖片放大 文華東方酒店Clipper LoungeTel: 28254007#ImAFan #MandarinOrientalHongKong #mo_hkg #韓牛 #自助餐 #英式主婦
