心情唔好都要做D crazy嘢,食junk food係其中一樣。自已整至少可自我感覺良好覺得冇咁junk。 今日整咗D鬼佬米通,材料簡單又易整。配料我求其在超級市場見到隻Cotton candy就買咗來用貪佢D色影相靚,但其實你落朱古力碎、乾果、堅果、M&M’s或者乜都得。 材料:牛油 60g鹽 1/4茶匙白色棉花糖 150g早餐卜卜米 125g配料可隨意1. 先煮溶牛油,離火,加鹽拌勻。再加入棉花糖拌至溶化。2. 卜卜米放大碗內,再將1倒入,拌勻即可。3. 如想加入配料,可在最後加入,再拌勻。4. 倒入已舖好焗爐紙的方型或長方型盤,抹平。想再邪惡一點可在上面吱上煮溶了的朱古力或白朱古力。5. 放入雪櫃完全冷卻雪實,約15至30分鐘。取出脫模,再切成自已喜歡的大小即成。在香港,尤其夏天,最好放入密實盒再放雪櫃存放。