茶餐廳西多士大家都好熟悉，不過其實真真正正嘅 French toast並不是炸，而係煎嘅，而且並不是脆囗，而係軟嘅。French toast在英國叫eggy bread，顧名思義係有蛋的包。做法係將麵包片沾上混有蛋、牛奶或忌廉、糖等等嘅蛋漿，再煎。有D似中國人沾蛋漿煎年糕。傳統上做French toast嘅麵包都係隔夜麵包，一來呢個係用來「活化」唔新鮮麵包嘅食法，二來隔夜麵包比較乾身，在沾蛋漿時可吸收更多，做出來嘅西多士就會更香。所以法文French toast 叫pain perdu，直譯「lost bread」意指隔夜了，遺忘了的麵包。而如果大家有讀過經濟學，經濟學用詞「sunk cost」(沉沒成本)嘅法文就係用咗西多士「lost bread」的意思，叫做pain perdu。至於做French toast用咩包，真係隨你喜歡，或者係屋企有咩包就用咩包。我自已覺得用brioche之類牛油分量本身已很高嘅麵包來做最香最好食。當然要買brioche要去法式麵包店，並非處處可揾到。所以大家可試試用港式排包來代替。當然用普通方包都得啦。亦有人愛用脆硬嘅法包來做，不過我就覺得法包吸水力弱咗D，沾得嘅蛋漿較少。French toast做法非常簡單，蛋漿比例是蛋：牛奶/忌廉：糖1:1：1湯匙，因應你做多少件而調整。我自已做大多不用糖。先混合以上材料。燒熱平底鑊，加入一些植物油及牛油燒熱(用牛油最好也加點植物油在煱中，不然很易焦。我做french toast通常加椰子油，因為會有點椰香)。麵包兩面也沾上蛋漿，再落鑊兩面煎至金黃色即成。#英式主婦 #英文 #西多士
