Tiramisu人人都鍾意，但傳統tiramisu唔止有咖啡，仲有生雞蛋，小朋友其實唔可以食㗎！因為我自己都唔鍾意咖啡，所以我十幾年前已經整無咖啡同無生雞蛋嘅版本比自己食。做咗媽咪就更加小心啦，整出嚟小朋友要食，就盡量少甜同埋用靚料。 唔用雞蛋，其實對個crem嘅效果同口感無乜影響，但冇咗咖啡，用咩來浸lady finger呢？大家當然可以用鮮奶代替啦，不過我自己就會順手用細細B嘅Fruchtbar果蓉去做，快趣方便又天然，好健康。淡淡果味配上Tiramisu式嘅Mascarpone cream同甜甜哋嘅lady fingers，再灑上少少無糖朱古力粉，唔止小朋友鍾意，大人都食唔停呀！ 最近Aeon BB展Fruchtbar果蓉買三件就有85 折，Aeon咭會員喺感謝日(19/9/2020)仲折上折。邊個話BB先食果蓉？其實我貪方便好多時都用果蓉做甜品㗎！同場仲有Dr. Brown, Babyganics同Joy Organics等等大優惠，大家快D去全港七間Aeon掃貨啦！優惠期到10月4號！ 點擊圖片放大 +2 材料： 淡忌廉 200ml Mascarpone Cheese 250g 糖 25g (可隨喜好增減) 雲利拿香油 1茶匙 Lady finger餅乾 1包 Fruchtbar果蓉(任何味道) 兩包 無糖朱古力粉(谷古粉) 1湯匙 1. 淡忌廉要先雪得夠凍才可以用。放入大碗內打發至企身。 2. 將Mascarpone、糖及雲利拿油放入另一碗內打均。 3. 將少量已發忌廉加入2.拌勻，再加入餘下的忌廉輕力拌勻。 4. 準備一個大玻璃密實盒，因為做好可直接蓋好，可放雪櫃幾日都冇問題。 5. 將果蓉吱入碟內，last finger沾好果蓉才排在玻璃盒內。先排一層，再抹一層Mascarpone cream，再重複一次。 6. 最後在上面篩一層朱古力粉，蓋好蓋，放入雪櫃約一小時就可享用。
