間唔中會喺大型超級市場見到Yorkshire pudding預拌粉或急凍Yorkshire pudding。嘩唔駛下話？有冇厄錢D呀？Yorkshire pudding主要材料只係蛋，奶同麵粉，個預拌係要加蛋的，咁我駛佢幫我預拌嗎？急凍都要焗唔慳得幾多時間但成本就貴好多。就如scone一樣，預拌粉係多餘的。咁Yorkshire pudding 係乜呢？係英國人通常星期日午餐食Sunday roast時的side dish， 但因好味也可做主菜。佢並不是芒果布丁的friend，是似麵包。我會形容為唔甜的沙翁的質感，外脆內軟。點食法呢？是淋gravy食的。gravy是烤肉在爐架上滴在下面個盤的汁。當然現在可買現成，或素gravy。但其實我覺得配有汁的主菜都好食。冇汁我都可就咁食兩個呀！做法非常簡單，又快，只係，會好肥，因用頗多油先做到。Yorkshire pudding 焗好時中間有個洞就正確了。洞的由來，是超高温焗D油標上來而成。倒入gravy就似個碗仔咁裝住。但你一底12個D樣會個個唔同，亦係正常。 vegan可用豆奶代替牛奶，用4湯匙flax seed meal加12湯匙水放一陣等杰身，用來代替蛋但效果會差D。材料：1. 蛋 4隻2. 牛奶 200ml3. 麵粉 200g4. 鹽 1撮5. 可高溫煮食的油 適量做法：1. 預熱焗爐至190。C，在12洞的muffin tin內放油，每洞倒入約1cm滿的油。放入焗爐焗15分鐘讓油滾起。2. 在大碗內發蛋至開始起泡，加入奶發勻。然後直接篩入麵粉和鹽發至沒有結塊。（碗最好用有倒咀的，沒有的話就現在要將粉漿倒入量杯或壺之類可倒出來的器皿。）3. 油滾後取出muffin tin，盡快在每個洞的正中倒入粉漿。小心被滾油彈到！要正中啊否則出來的Yorkshire pudding升得不好又或會黏過隔離。倒完立即放回焗爐焗20-25分鐘即成。要襯熱食先最好食！
