Brownie(布朗尼)大家見得多，不過佢個friend blondie(布朗迪)永遠被人忽略。 大家都熟悉嘅brownie，係朱古力為蛋糕體主味嘅tray bake (盤裝切件蛋糕)，而blondie嘅蛋糕體主味係雲尼拿。不過兩款蛋糕所加入嘅配料，多數都係碎朱古力及果仁。而blondie傳統上係唔用白砂糖，而係用黃糖。今日我做嘅blondie，用足料85%濃度朱古力切碎，而糖方面就用咗較健康嘅椰子花糖代替傳統黃糖，一樣有黃糖焗出來果種香香嘅焦糖味！ Tray bake呢類蛋糕通常簡單易做，成品亦方便外帶，喺外國經常係返工返學或行山做運動會帶住嘅點心。今次呢款都係，大家可以試試，保證零失敗！ 材料：85%朱古力 250g, 切碎無鹽牛油 170g，室温放軟椰子花糖 200g麵粉 225g泡打粉 1茶匙鹽 ½ 茶匙蛋 2隻，室温雲尼拿油 2茶匙做法：1. 預熱焗爐170。C，在方盤上鋪焗爐紙備用。麵粉及泡打粉過篩備用2. 牛油放入微波爐煮溶，約1-2分鐘。加入糖拌勻。再加入麵粉及泡打粉及鹽拌勻。3. 先稍為打發雞蛋，再將蛋漿及雲尼拿油加入2拌勻。最後加入朱古力碎拌勻。4. 倒進焗盤，入爐焗30分鐘即成。出爐稍為放涼才脫模切件，可暖吃、室温吃或雪涷吃。
