一生人一次結婚，所有事都希望預備得最好，所以婚紗方面，希望能租借有designer brand的婚紗，中環區的婚紗店比較多有designer brand的婚紗，以下是我試過的幾間中環婚紗店，以及想分享選擇婚紗心得。1. La Cermonie這店提供免費試穿2件婚紗，眼見比較多蕾絲款式，亦是歐美品牌為主。晚裝及紅裙不多，以婚紗為主。款式: 由於一字肩及魚尾婚紗比較符合我的身材，但可以選擇的魚尾婚紗並不多。總體款式及數目不多。店員: 坦白說有點施加壓力，在未有充足時間下已重覆催促要下訂，感覺不太好。而且當問起是什麼國家的品牌時未能回答。做得好的地方是在為你fitting 時，會詳細解說婚紗cutting。有樣野幾好的，就係佢多婚紗配件，有NUDE BRA、胸貼，咁可以唔駛煩。雖然我唔係太清楚咩brand，但摸上去質感都ok的。附帶一提，拍照是店員用ipad拍的，不能用自己手機拍攝。 2. Lovefayette Bridal Room這店提供免費試穿三件 (要follow佢地ig)。以外國品牌婚紗為主，眼見比較多是以色列及意大利婚紗。這間so far service係我遇過最舒服的，款式亦都係最靚。款式: 據店員解說，大多是他們獨家代理。我想要的魚尾婚紗亦有不同選擇。後來看到一些很閃很grand的，如果我擺酒店的話一定會租!有提供打底衫，件件裙都有pad不用準備nude bra。連打底衫 & 套餐包埋的頭紗都係以色列做。店員: 非常nice，好有耐性好專業，每一條裙由品牌至cutting都詳細講解，試完仲同佢傾左一陣，佢仲教左我好多需要注意事項，比左好多建議我，試了個幾鐘，雖然我冇即時confirm但真心感激 唯一缺點，就係唔多晚裝，所以暫時只考慮big day租用。*照片由店員用我電話拍攝，但掛住同佢傾計，唔記得影正面... 3.To be Wed這間係三間中地方最大最靚的，有兩層店鋪，不過佢話另一層有人book左所以去唔到睇。很欣賞提供set頭服務，一坐底就會幫你用電髮棒整理頭髮的。 提供免費試3件，上去之前會同你confirm幾次，我覺得都ok唔會煩的。一開始ig睇中幾款，但去到在店可以試的只有其中一款，但其他款式都ok的，試了3條都係美國同一個設計師的款式。款式: 公主款比較多，(但我個人不太喜好公主款)，最新引入了以色列婚紗，但價格比較高，而且沒有package，價格上是4間中最貴的。店員: 都好nice的，態度好好，會主動用大機幫你拍攝，我都感激的，個人認為用手機拍攝好似真實d，不過佢都可以比你自由用自己電話影相。但缺點同第二間lovefayette有d相似，晚裝不多，主要都係婚紗。 4. Galle提供免費試3件。環境都ok，不過我個friend話佢張凳仔好似幼稚園果d咁，矮到有d唔舒服haha但哩個唔會係考慮因素。款式: 其實我已經唔係好記得試左d咩婚紗，因為佢唔比你影相，要你confirm之後就會send 佢幫你影的比你。記憶上好似都係Designer brand, 店員有簡單介紹一下婚紗的， 聽到有烏克蘭(唔知有冇聽錯)，不過款式應該冇特別鍾意又冇相，所以唔記得。店員: 好冷漠，用時最大優點係佢唔HARD SELL。***************************************************總括四間價錢方面其實大家差唔多，排序最貴應該 1>3>4>2款式個人認為 2>3>1>4店員態度: 2 & 3 一樣好，之後係第4間，因為佢冇hard sell，最後第一間...店裝修環境: 3>2>4>1個人會第2間同第3間之間選擇，可能lovefayette，因為我鍾意western款式多過公主款。還在考慮當中。心得:1.) 在預約時問清楚試婚紗收費，以及即場confirm有沒有discount。如果是非常心儀的婚紗店可留到最後，因為差不多每間婚紗店都有即時確認優惠的。2.) 即使很喜歡某一種款式，但有2-3件免費試穿機會，要不同款式也嘗試一下，才知道自己身材適合哪一款。3.) 別要相信ig相片，用專業的拍攝以及其他人身材，永遠不能作準。4.) 高級婚紗店大多數的婚紗都是拉鏈或扣子款的‧因為會提供專業的改裙服務。如果遇到綁帶款的，要主動問一問改衣詳情。因為主要用綁帶調較的沒有那麼貼身。
