姑勿論《I SWIM》嘅劇情幾咁白癡同太預料之內（嘩！😒簡直係足球小將D friend～一場50m比賽游到好似5000m咁🤪），當中嘅男二 Jeffrey肯定會爆紅😍。 1）身型Fit到爆第二集呢兩幅打格仔鏡頭🤣 仲唔冧死女😍‼️ （照片來自ViuTV及Jeffrey IG）Jeffrey嘅身型就係一個勵志故事，非常可怕😱，爆肥爆瘦，肥完又瘦，瘦完又肥。細路哥嘅佢真係肥過部電單車🛵，肚腩好似東波肉咁😵💫，有三層layer👇，最高峰差唔多去到200磅🐷。 中學時期，Jeffrey開始減肥，每日只係食一餐同飲齋啡，雖然3個月內瘦咗60磅，但捱壞個身體，無緣無故經常流鼻血🫣。直至識咗女朋友，太幸福啦🤪！點呀！又肥返！超過83公斤！當時，身體響起警號～出風癩，加上嗰排要上鏡工作，佢再一次立定決心減肥💪，奉行16:8斷食法，主要食西柚、蕃薯同雞肉，做大量運動，結果減到30幾磅。接咗《I SWIM》之後，不停健身，好似同雞有仇咁😡，每日食十隻烚蛋同雞胸，仲刻意走去脫胸毛🤣，務求個body十全十美😍。2）演技自然，吐字清晰無乜受過演藝訓練嘅Jeffrey做余浪沖呢個角色出奇咁自然，一舉手，一投足，根本就係自己，無半點尷尬，喺一大棚小鮮肉當中脫穎而出，最重要係除咗樣靚身材正之外👄，把聲又好聽，而且，吐字非常清晰，完全無年青人D懶音同𦧲脷嘅通病，至於其他演員講台詞😫，大佬呀！睇緊外語片咁，全部要睇字幕囉😤🤣‼️3）高顏值，真性情有「翻版陳冠希」之稱。老實講，全盛時期嘅Edison係超級無敵靚仔，Jeffrey係好難可以匹敵😅，但係佢鬼鬼地嘅五官（荷蘭同印尼血統），邪邪地嘅笑容，又真係好難抗拒💪。最殺食嘅係魔鬼嘅樣貌之下，竟然有一顆天使嘅心（形容得好老土🤡🤪），年紀輕輕，對女朋友一片癡心❤️。 而平時又唔介意顯露佢弱弱智智嘅性格🤡，例如有「煨Sir」嘅稱號(曾經喺節目錯將「煨」蕃薯讀成「餵」蕃薯🤣)，又經常「中二病」發作😒⋯ 呢條友仔潛質優厚，做演員之外，仲可以carry唔同品牌嘅服飾，即使係幾咁lousy嘅衣著，喺佢身上都可以成為Fashion 😎。 請follow死剩把口FB Fan pagehttps://www.facebook.com/死剩把口-103949685360038/（完）
