著名導演兼編劇羅啟鋭 (Alex)過身🙏，最令影迷懷念嘅作品必然係今年踏入35週年嘅神級愛情片《秋天的童話》，Alex 就係呢部片嘅編劇。 原來拍攝《秋天的童話》嘅背後，都有好多個「童話」🌈。1）導演張婉婷最初同發哥傾合作，正值發哥演藝事業嘅低潮，佢甚至被坊間稱做「票房毒藥」🫣，但係張導演認為「船頭尺」呢個角色非發哥莫屬，雙方一拍即合。當張導演準備飛去紐約拍攝《秋》片嘅前一日，市場出現一個戲劇性嘅轉變😳，吳宇森導演嘅《英雄本色》啱啱上畫，票房大賣，張導演預計發哥將會成為影壇巨星，身價飆升，於是佢打電話俾發哥😵💫⋯張：「我要飛去紐約拍《秋天的童話》，你仲會唔會嚟😢？」發：「我既然答應咗你，就會去。你先出發，我會隨後去。」張導演話發哥就係一個咁守信用嘅人，係一位英雄‼️而羅啟鋭透露發哥曾經講過喺香港影壇，佢要應付唔少困難～「我識得面對黑社會嘅電影製片人，但我唔識點面對會喊嘅導演❤️，我最怕女仔喊。」🤣 2）講到黑社會，都要提及一單八卦嘢🤣。消息話當時D社團為咗要確保發哥嘅檔期，遙控紐約嘅「同業」幫手𥄫住《秋》片嘅拍攝進度，唔想阻住之後發哥嘅schedule，於是，拍戲現場會有好多「兄弟」圍觀🐷，每次導演叫NG，D兄弟都會好似「霞姨」咁多多聲氣～「呢個take好好啦！又唔係要選奧斯卡！得啦！」張導演每次聽到呢D廢話，都會哎：「Shut Up‼️」🤣💪而其中一幕拍咗好多個take嘅係戲裡面令人飆眼淚嘅一幕～［紅姑要搬走，坐上陳百強嘅開篷車離開，發哥發晒狂咁追住部車，一路跑到布魯克林大橋嘅下面⋯］張導演話由於受制於當時攝影同後期技術嘅限制，要拜託發哥每日黃昏五點鐘，去到同樣光源嘅場景演出，希望take到最完美嘅一幕，但點估唔到發哥最後連續跑咗十日😱，非常專業👍。3）《秋天的童話》之前，發哥同紅姑原來已經合作過好幾次，所以，可能因為呢個原因，投資方岑建勳對於女主角又係紅姑有D意見，但係張導演堅持紅姑嘅character根本就係戲裡面嘅「十三妹」～靚、倔強同堅持自己嘅信念。原來當時劇組喺紐約嘅拍攝時限已經到，仲爭一個鏡頭未拍，但劇組已經被趕，紅姑唔理三七二十一同當地人理論，雖然最後唔可以成功爭取到，但都足以見證紅姑呢種外柔內剛，據理力爭嘅性格❤️。 4）陳百強飾演「文森」（紅姑嘅男朋友）呢個角色，羅啟鋭認為香港嘅娛樂圈唔易搵到擁有呢種美國東岸富家公子貴氣嘅藝人，Danny簡直係perfect嘅人選，而張婉婷同羅啟鋭又係陳百強嘅歌迷，感覺相當夢幻😍。Danny曾經喺訪問講過，佢好開心參與「秋」片嘅演出，本來擔心拍戲嘅時候要點打發時間，好彩佢哋三個本身係好朋友，大家可以喺拍戲嘅時候互相開解。 5）張導演以前對外透露，「船頭尺」同「十三妹」最後應該唔會喺埋一齊😭（Oh‼️No‼️🫣），但最近再被問同一個問題嘅時候，佢話曾經有黑社會嘅朋友、餐廳服務生同佢講，呢部電影俾咗大家一個希望，即使係讀大學嘅靚女都可能願意做佢哋嘅朋友🤣💪，所以，張導演宜家改口啦 ～ 一部電影由導演決定點樣去拍，但最終個解釋應該等觀眾自己去決定😎。 請follow死剩把口FB Fan Pagehttps://www.facebook.com/死剩把口-103949685360038/（完）
