關於Top Gun 續集嘅10個「痴孖Gun」事實🥶💪🤣‼️1）導演Joseph Kosinski 睇Top Gun第一集嘅時候只得12歲🤣，睇完之後就變咗超級Fans，仲要癲到之後讀大學，主修機械工程學之餘，仲竟然讀埋航太工程學😱，不過，畢業之後，走去拍電影🤣。 👆Tom Cruise & Joseph Kosinski2）湯佬喺巴黎拍Mission Impossible：Fallout 嘅時候，製片Jerry Bruckheimer同導演Joseph趁住部戲換場景僅有嘅時間，向湯佬sell Top Gun續集嘅方案，有兩大selling points：（一）打真軍💪；二）Rooster以Goose個仔嘅身份代替阿爸「回歸」，結果，湯佬15分鐘之後就答應👻。（其實，早喺2013年，當Joseph同湯佬拍Oblivion嘅時候，已經提出過拍Top Gun 2嘅諗法。3）點解要「打真軍」？就係為咗令部電影更加寫實😎。原來當年拍Top Gun 1，有要求演員上F-14戰機拍攝，但由於當時訓練不足，唔少演員暈機浪😵💫，D鏡頭最後用唔到。嚟到Top Gun 2，湯佬好希望呈現到飛行員喺高引力之下，臉部肌肉會扭曲等嘅真實反應同感受，所以，演員得到美軍嘅協助，接受高G（Gravity）嘅訓練，務求喺戰機飛行嘅時候，佢哋唔會暈機浪。4）每架戰機安裝咗6部攝影機，4部對住演員，2部拍外面嘅實境，空戰嘅情節合共用咗25部攝影機同時拍攝👀，每日拍16個鐘，通常只有40秒嘅畫面可以用到😒。 5）導演同Sony用咗一年嘅時間去研究戰機上面嘅IMAX攝影系統，體積要細，畫質要好，最變態係D攝影機要喺37000呎嘅高度、1000公里嘅時速同8G重力之下仍然運作正常，而且，所有機上嘅拍攝器材必須要得到海軍同工程部嘅同意，例如：當戰機有危險⚠️，飛行員要彈射，6部攝影機唔可以擋住條路😇。 6）喺航空母艦上面拍咗兩個星期，條件係唔可以影響正規軍人執行任務嘅時間，所以，每日只能夠係朝早6點拍到早上8點⏰，即係每日得兩個鐘咁大把🙀。另外，你以為電影明星可以喺航空母艦有VIP待遇？唔好癲啦☠️‼️演員只係安排瞓碌架床，每晚半夜，都會有飛機起降，好大噪音之餘，成首戰艦都會震🥶，想瞓都唔駛旨意🐼。7）好喪🙀！拍第一場戲已經NG咗40次😱‼️究竟係邊一場？🧐原來係以一鏡到尾嘅長鏡頭高速拍攝湯佬型爆咁著上招牌皮褸、戴咗經典黑超🕶️，揸住部「烈火戰車」同部F-18「鬥快」嘅鏡頭（亦都係其中一張宣傳海報）。點解要NG40次？因為要完美囉！要拍到最靚嘅夕陽。👇 👆呢一幕NG40次🙀8）當年國防部巴之閉😒，Top Gun 1要俾180萬美金先至可以拍攝同用D戰機😒。妖！結果部戲出街之後，大受歡迎，投考海軍飛機師嘅人數增長500%‼️到Top Gun 2，國防部鵪鶉咁🤣。9）可能係用咗最多椰子油嘅一部電影🤪。你肯定有留意沙灘美式足球嗰一幕啦😍，因為要show肌，個個演員好幾個月唔食碳水化合物，地獄式訓練😈，拍攝之前，仲用椰子油「搽」到成隻油鴨咁🦆，最低B係一拍完當晚，大家就狂「隊」奶昔、啤酒、炸雞，赤柱出嚟咁👻，點知一個星期之後，湯佬宣佈呢一場拍得唔夠好，要重拍🎬🤣。 👆Miles Teller (飾演Rooster)10）原來Top Gun 2喺11年前就開始籌備，不過，唔係呢一個班底同版本，而係由第一集導演Tony Scott負責。只可惜，喺籌備過程中，Tony自殺身亡😭。為咗向導演致敬，成部戲除咗由頭到尾同「昔日」呼應之外，透過好多細節表達敬意，最催淚嘅係～部戲完成之後，先播俾Tony Scott嘅哥哥Ridley Scott睇，作為對Tony嘅一種懷念同尊重❤️。 Tony Scott & Tom Cruise歡迎follow 死剩把口 FB page❤️https://www.facebook.com/死剩把口-103949685360038/以上資料來源參考以下連結https://www.beautimode.com/article/content/89089/?fbclid=IwAR0OGzxs1qRqvhQnYnDv2qxnRJWx1cjGklDyUCUJWaqJHTklXQv8d6G5KVc&fs=e&s=cl
