我唔係鏡粉😅，衰到連12位成員個名都嗡唔齊🤣，但係Mirror呢個現象，簡直係「百年一遇」😳，甚至可以作為大學論文嘅題材😎。我唔打算再討論D咩虛火唔虛火，陶才子同蕭燈神都講到口臭啦🤪。我暫時最記得Mirror嘅一首作品，應該係呂爵安同邱鋒澤嘅「一表人才」。其中一句歌詞可能係過去一年流行樂壇當中，大家最記得嘅hook line👇 出自Wyman嘅手筆，狠狠咁擊中社會洪流中、愛情世界裡面掙扎求存嘅「人才」最脆弱嘅死穴🎯。 世界似乎有一套標準，「笑」係可以同人分享，但「喊」就要偷偷哋自己解決，即使幾咁委屈同心酸，各位「人才」都要撐住，堅持「要記得 還有做人合約」。成首歌個package好靚💪，由兩位靚仔小生Edan X Feng Ze唱出愛情同人生嘅兩面，堅強與脆弱？主要視乎你嘅取態。成首歌嘅性質同歌手嘅氣質好match，好自然咁推高首歌嘅class。Wyman固然係填詞高手，更準確嘅形容其實係「樂壇嘅商業奇才」，打從歌詞嘅題材、結構、用字，甚至對歌手嘅分析、歌曲嘅策劃、包裝、宣傳同未來企劃都計算得非常精準。黃偉文嘅呢句「我過得並不好，但是我會活著」令我諗起另一個「偉文」嘅一句經典歌詞👇 梁偉文（林夕）「再見二丁目」假如Wyman係一個機關算盡嘅生意人，林夕就係一位奮不顧身嘅傳道者。坊間一直傳言「再見二丁目」係林夕1998年同朋友喺日本睇完U2演唱會之後，相約朋友喺二丁目見面，最終，呢位朋友無出現，林喺異國街頭、冰天雪地，孤獨咁感受「滿街腳步，突然靜了，滿天柏樹，突然沒有動搖⋯」，彷彿成個世界只剩返佢一個人，返到酒店之後，佢寫咗「再見二丁目」😭。https://youtu.be/uhxS1iMfVvw當旁人覺得你擁有一切，但係你根本唔稀罕整個世界，你在乎嘅只係「呢個人」，而你從來未擁有過「呢個人」一秒鐘，只有喺心裡面失去佢千萬次。好苦‼️好痛‼️唔怪得林夕曾經講過 ～我寫過好多歌詞，一直寫自己，亦都寫「佢」，但最終都唔可以得到「佢」。「原來過得很快樂，只我一人未發覺」係我寫過。。。最悲傷嘅一句歌詞。即使你宜家唔再喜歡楊千嬅，都好難否定佢對歌詞嘅悟性，難怪林夕都將最好嘅歌詞、自己嘅秘密、快樂同哀傷，通通交俾佢去演繹，只係，此情此景會唔會隨住林家謙嘅一首「某種老朋友」而消失呢？🍁https://youtu.be/Xksy4opi9s8
