荷李活道文武廟嘅斜對面👀，有一間開咗唔夠一年嘅咖啡店，淨係睇門面，仲以為係一間傢俬舖😅，裝修有品位，感覺好cozy😍。 👆hjem「hjem」究竟係乜鬼意思呢😵💫❓原來個解釋係「home in Norweigian」，係外籍店主回憶佢喺挪威東南面嘅一個叫Hamar嘅小鎮生活過嘅日子而命名㗎，希望透過間咖啡店，推廣北歐式嘅健康美食同慢活嘅養生態度😎。間店座落喺荷李活道，周圍都係古董店、藝術品舖、或者首飾小店，成個氛圍幾artistic，而咖啡店裡面嘅style好一致，充滿木同藤嘅元素，個色tone舒服，自然令你好relax👏。點擊圖片放大 +2 三大理由推薦你試吓呢間店😎～1️⃣）既然推崇「慢活」，間店無set死「用餐時間」⏰，所以，D店員係唔會好似「貴利」咁追你「還枱」🤣。不過，我目測D客好識做，大多數唔會「磨爛蓆」，瀨死唔走💩。2️⃣）D食物用料新鮮而健康，做法唔花巧，盡量保留原有嘅鮮味，而且賣相精緻。當中，我會推介👇 👆Arctic prawns smørrebrød ($128)好啦！學丹麥語時間🤣。乜嘢係smørrebrød呢？份menu係咁寫👇 “⋯ smørrebrød are open-faced sandwiches piled high with toppings.” 再詳細D嘅話，smørrebrød係北歐嘅一種特色三文治 ～ 「開放式三文治」。喺一塊新鮮嘅麵包上面，先搽一層奶油，再用各種新鮮食材，砌到好似一座小山丘咁，完全係美貌與內涵並重👸。做法好似好簡單，但配搭非常講究，上面嘅食材同下面嘅麵包唔能夠亂咁嚟，例如：鮭魚同蝦會搭配白麵包，塔塔醬會配黑麥麵包等等。我當日點嘅係北極蝦smørrebrød👇 材料豐富，有非常彈牙、清甜嘅北極蝦、一D都唔腥嘅魚子，底層再舖滿一片片嘅蛋白同蛋簧，而混合各種食材嘅沙律醬嘅味道同份量唔會「喧賓奪主」咁搶走食物嘅原味，令你輕易咁、「無負擔」咁「隊」曬成份三文治，都唔會有一丁點嘅罪惡感🤪。Yeah🎉‼️3️⃣）「呢間店嘅特色飲品相當有特色」👈呢一句comment好似好廢呵🤣！同「🐔有雞味，🐷有豬味」差無幾😜。喂呀！我認真㗎！跟住介紹呢杯Signature drink 我爭D想encore😅。 👆Honey golden milk latte ($45)(不含咖啡)先講個造型，駛唔駛咁詩意呀😍，一幅「日落」嘅油畫咁🌄。 材料唔複雜，包括oat milk，薑汁、薑黃粉同蜜糖。千奇唔好話我個人浮誇😝，我飲呢杯latte嘅感覺彷彿見返一位老朋友一樣 ～ 暖在心頭❤️，個配搭根本就係perfect match，味道同texture混為一體，互相補足，好好飲😎。 論飲品同食物嘅質素，我對「hjem」好滿意，要彈嘅係兩樣嘢🤪～1）D傢俱嘅造型靚，但唔算坐得好舒服😒，普遍嘅座位太矮啦；2）價錢都幾貴💰，而portion係偏細。https://www.facebook.com/hjemhk/好啦！呢9個月好認真咁食🤣，好投入咁寫，雖然話食得是福🧧，但係，食完係要還㗎‼️都係時候俾個胃抖一抖😅，呢一篇作為第50篇食評，都算係一個完美句號💪。（完 ～ 最後一篇食評😎）
