涼茶❌咖啡？究竟係咩玩法？🤣 👆呢間長沙灣全新咖啡店，前身係老字號涼茶舖「永生堂」，年青嘅店主為咗傳承舊舖嘅理念，好大膽咁結合涼茶同咖啡😳，更加將養生嘅元素灌注喺餐廳嘅營運之中。呢間貌似「九唔搭八」嘅咖啡店叫「South Herbal Lab南本草」，店裡面擺放咗一幅橫匾👇 喺咖啡店，搵到一幅咁嘅橫匾👆，相當玩味😎。成間店簡單用上三種顏色～啡（木）、金同藍，既協調又簡約。👇 要喺深水埗/長沙灣呢一帶嘅咖啡店重戰區突圍而出，非常困難，競爭太大啦😱。究竟涼茶❌咖啡出嚟嘅效果，會唔會係一場惡夢呢😵💫？先研究個餐牌👇，主要提供嘅係飲品同輕食，當中，有三頁menu係比較特別（其實，份menu合共都係得五頁咁大把🤣），逐頁講吓～ 👆你無嘢吖嘛🤪！嚟到呢間舖，梗係唔飲一般咖啡，要試「Herbal Specialty」飲品啦。女店員詳細介紹咗其中一款～「雞蛋花接骨木花啡湯力」俾我😎。雞蛋花係五花茶其中一隻花，可以清熱去濕、潤肺解毒；而接骨木花係抗生素發明之前，用嚟抗流感嘅主要草本植物。 👆雞蛋花接骨木花啡湯力 ($49)女店員溫馨提示我，一開始，唔好搞勻杯飲品。先飲一啖最上面嗰一層涼茶，然後，再成杯撈勻嚟飲😎。第一啖入口 ～ 嘩‼️玩嘢吖嘛🙄❗️成個人醒一醒❗️都幾苦喔‼️急不及待搞勻再飲😳～咦⁉️完全另一個世界🤪❗️除咗有咖啡嘅果酸味，亦都有接骨木花嘅葡萄香，甜甜酸酸、淡淡幽香，比一般嘅Espresso Tonic更有特色，值得推介👍。 👆火麻仁拿鐵 ($49)大家可能大概知道火麻仁嘅功效～護肝明目、提高腸道功能、改善失眠⋯。坦白講🧐，呢杯crossover飲品驚喜就真係無乜，同坊間買到嘅黑芝麻Latte味道好接近，我會比較喜歡另一間cafe「屋子Uchi」嘅同類飲品，人哋嘅texture好rich，麻香好濃。「南本草」嘅只係似一般嘅火麻仁多D，「鴻福堂」D friend咁囉🤪。 👆呢一頁算係主食嘅餐牌，sell嘅係和風式嘅養生食物，但由於呢段時間係試業，好多主食當日已經賣晒，試唔到🙄，妖❗️ 👆唯有退而求其次，專攻小食「無負擔料理」👻。1）厚燒玉子燒 ($55)👇 除咗玉子，仲用咗兩樣健康食材～秋葵同木魚花。由於即叫即做，熱辣辣之餘，玉子嘅蛋香同口感相當唔錯，不過，menu所寫嘅「無負擔料理」，個解讀可以變成～唔好諗住食完會飽🤣，但價錢方面，$58就會顯得有負擔囉🤪。 2）淮山薏仁豆腐雪糕Croffle ($68)👆越嚟越多咖啡店嘅croffle做得出色，「South Herbal Lab」嘅牛角酥窩夫都係A級之作👍。窩夫充滿牛油香，烤焗嘅掌握恰到好處，質地帶D煙韌，又有幾分酥脆，配清香嘅豆腐雪糕，互相唔會搶咗對方嘅風頭，只係淮山同薏仁雖然同豆腐雪糕無違和感，但硬係覺得有D「畫蛇添足」😅，為咗要標榜「養生」而加。不過，整體嚟講，呢個輕食係高水準👏。呢間店，有兩點係值得欣賞💪：1）傳承傳統文化；2）敢於冒險創新。https://instagram.com/southherballab?igshid=YmMyMTA2M2Y=（完）
