呢個海景真係無得輸😱❗️ 從西九文化區海邊行去餐廳，沿途望住呢個景☁️，已經飽晒啦🤪👏。最近開張嘅ADD+ (全名：All Day Dining+) 位於西九M+博物館，對正維港🚢，空間勁大👀，足足一萬呎🙀，全落地玻璃，連張食飯枱都可以反射到個天，令你好似置身喺藍天白雲之中🌞，食嘢都會特別high🤣❗️ 間餐廳簡直有殺錯，無放過，走多元化路線，中西合璧，傳統嘅粥、粉、麵、點心⋯西式嘅pizza、牛扒、漢堡包、意粉⋯乜都有，如果你想搵個幽靜嘅角落，歎杯酒🍷，佢都可以serve你😎👇 有選擇困難症嘅朋友嚟到ADD+，真係有D棘手😵💫，食西式？定係中式呢？當日同朋友就不約而同揀咗中式～1) 中式lunch set ($188/只有平日提供）2) 粵點盛盒 ($188) 呢個中式lunch set包～1）一杯飲品，但好奇怪😳，竟然無中式茶嘅選擇，反而係D檸檬tea喔🤪；2）一「籠」點心；3）燒味飯 或 盅頭飯；4）附送例湯同青疏菜。 👆凍檸檬特飲+叉燒酥杯Lemonade一D都唔hea，有高級酒bar嘅水準👍，至於兩件叉燒酥熱辣辣🔥，皮薄、鬆脆、唔油膩，叉燒餡做到流心嘅效果，整體質素相當唔錯。 👆盅頭花膠北菇滑雞飯究竟有幾腦殘先至會喺貴價餐廳食北菇滑雞飯呢⁉️沒有最弱智，只有更弱智🤣‼️嗱！先唔好俾個價錢影響，究竟個雞飯得唔得？我會答～🉐️！個飯煲得好靚，軟硬適中、飯粒分明；北菇雞好入味，雞件軟滑；而甜豉油嘅份量適可而止，撈埋D飯，相當好食，要彈嘅係有D把鬼嘅～花膠❗️細到食咗好似無食過咁，撩牙都唔夠🤪，雖然預咗係「噱頭」居多。其實，呢個set扣分最多嘅係～價錢🙄，要$188❗️貴咗D囉💰❗️ 👆粵點盛盒👇 粵點盛盒係ADD+招牌菜之一，每日由師傅決定serve邊九款點心，用九宮格嘅賣相呈現，主要分炸同蒸兩類點心。 以上五款嘅炸點心全部pass🈴️，其中胡椒蘿蔔酥餅出色，而鮮蝦鰻魚紫菜春卷有創意之餘，味道同口感都特別，值得推介。不過，D蒸點心就比較令人失望😩。 👆蜂蜜柚子蟹肉蝦餃蝦餃皮無問題，晶瑩、煙韌，只係D餡係我最怕遇上嘅～腥😵💫❗️ 👆淮山杞子醉雞餃老實講，如果唔睇餐牌，我真係唔知食咗D乜🤣，估佢唔到😵💫，原來係～醉雞🐔🧐。 👆鮑汁海參滑雞扎嘩！件海參完全無味，雖然明白海參係要靠周邊嘅食材「煨」味道俾佢，但件雞扎好明顯做唔到囉😩，於是，件海參就「冷冰冰」咁舖咗喺雞扎上面等死🤣，犧牲得毫無價值☠️，最慘係雞扎D肉仲要比較「榎」（諧音）。蒸點心當中，只有燒賣係最正常🙄。性價比嚟講，呢個「粵點盛盒」Sorry！唔抵食❌！點擊圖片放大 👆研究完個餐牌，ADD+普遍D嘢食嘅價錢係偏貴🙄，最值回票價係個餐廳環境同180度維港海景。 咁適合邊D人幫親？要拍拖氹女仔D「騙子」囉💩🤣❗️https://m.facebook.com/addplushk/（完）
