咩料呀⁉️呢間係冠軍咖啡店🙄⁉️吹得就吹吖嘛🙄⁉️1）Sorry！呢間屹立超過十年嘅咖啡店先後「出產」過多位咖啡大賽冠軍，包括第一位香港咖啡師贏咗世界虹吸式咖啡大賽第一名🏆。2）成個團隊對咖啡製作一絲不苟💪‼️淨係炒豆已經有好多學問，例如：某D豆係要喺烘焙之後第三個星期飲先至最正，所以，間店堅持炒完豆之後，放喺合適嘅地方，夠時間先會整俾客人飲；又例如：從外國進口嘅豆可能因為運輸延遲，錯過咗佢最好飲嘅時間，老闆為咗避免呢D問題，癲到自己買烘焙機，其中一部超過18萬😳。3）點解間店要喺元朗咁遠呀😱⁉️原來老闆曾經有諗過，不如有咁遠得咁遠😒，佢相信真正「愛咖啡」嘅人係願意「攀山涉水」，去嘆一杯出色嘅咖啡囉！（呢個老闆究竟係咩人類⁉️🤣）好啦！咁有堅持嘅「冠軍咖啡店」叫「Accro Coffee」，位於元朗安寧路162-164號金城樓地下D舖👇。 如果你想週末/假期去幫襯「Accro Coffee」，死咗條心吧啦🤪‼️除非你嘅人生好無聊，好多時間嘥囉🤪（喺入門口本薄仔，留低名同聯絡，輪到你嘅話，店員就會call你，通常起碼要一個半鐘⏰）。我係趁平日嘅非繁忙時間，老遠咁由大嶼山撲入元朗朝聖🤩，真係夠鐘入青山🤪‼️咖啡店個設計都幾大膽，甚至有D神秘😳，主要係水泥 X 木，成間舖只有一條好幼長嘅窗（紅色圈住嗰條）👇 一拉開趟門👀，Wow！好柔和嘅燈光💡，嗰條長長嘅bar檯好搶眼，D咖啡設備簡直晒你「冷」！ 不過，真正晒你「冷」嘅係個menu，單係咖啡嘅選擇已經多到「想死」😱👇 嘩！大佬，山長水遠嚟到，梗係試多D嘢啦👻，我同朋友揀咗～1）好「低層次」嘅Mocha同Latte（caramel) (各$38)🤪；2）意式鴨胸香草包🦆 ($55/跟餐優惠減$5);3）伯爵茶忌廉、楓糖漿配特濃朱古力雪糕窩夫🧇 ($65/跟餐優惠減$5);4）海鹽焦糖芝士凍餅🍰($40)。未品評之前，我想講～我對呢間咖啡店嘅期望好大，所以，潛意識嘅要求自然會好高，結果…😳🤔 👆Mocha個花拉得好靚👍，最勁係～我未飲過咁好飲嘅Mocha😱‼️坊間大部份Mocha係朱古力overwhelm咗咖啡嘅味道，似Choco多D，但係「Accro」嘅Mocha成個balance做得好好，有朱古力嘅質感，又有咖啡嘅香濃味，甜度適可而止，每一啖都令你好滿足👏。 👆Latte (Caramel)嗱！有圖為證👀，Latte個拉花好明顯輸晒啦🤣，都唔對稱‼️不過，整體上，杯Latte係香淳，而Caramel嘅份量唔會太重手，令到杯咖啡變得「死甜」，只係個「驚艷度」確實無杯Mocha咁令人興奮。話雖如此，各位朋友，呢兩杯咖啡每杯只係$38，仲未計「跟餐減$5」嘅優惠，咁高質嘅咖啡，咁實惠嘅價錢，邊度搵呀！間店點會唔日日逼爆吖🔥‼️本來諗住咖啡已經咁「高汁」，做人就唔好咁mean，fair D！對呢間店嘅食物要求應該相對降低D，人同店都係無perfect嘅🤪‼️ 👆意式鴨胸香草包一啖咬落去嗰吓👀，我立即諗起之前介紹過赤柱名店Pane e Latte嘅Panini麵包（大家可以睇睇呢條Link👇）～https://blog.ulifestyle.com.hk/article/brianchowchow/4180890/%E5%B9%B3%E6%99%82%E6%8E%92%E9%9A%8A%E6%8E%92%E5%88%B0%E5%98%94-%E7%96%AB%E6%83%85%E4%B8%8B%E5%98%85%E5%91%A2%E9%96%93%E5%90%8D%E6%B0%A3%E5%BA%97-%E7%B5%82%E6%96%BC%E5%94%94%E9%A7%9B%E7%AD%89%E4%BD%8D我可以好肯定咁講，「Accro」呢個香草包贏一條街💪 熱辣辣、麵包外皮鬆脆、內裏柔軟，芝士同鴨胸嘅份量絕無欺場，唯一要彈嘅係芝士有D過鹹。 👆伯爵茶忌廉配特濃朱古力雪糕窩夫如果個香草包係85分，咁呢個waffle就起碼有90分😱，成個dish最好味係個堆伯爵茶忌廉！好食到痴肺呀❤️！我平時食waffle，好多時會食剩D cream，因為真係膩，但係，呢個伯爵茶忌廉大家係搶住嚟食🤪，好subtle嘅甜、比cream更幼滑嘅texture，同刻意又rich、又濃烈嘅朱古力雪糕做咗一個天衣無縫嘅反差，要扣少少分反而係waffle嘅口感，可以無咁結實，鬆DD嘅話，就完美啦。 👆海鹽焦糖芝士凍餅芝士餅/蛋糕一直唔係我杯茶😎，只係老遠嚟到，都試埋啦…點呀😱‼️呢間店其實有無嘢係難食㗎🤣⁉️連我呢個唔鐘意食芝士蛋糕嘅人都覺得呢件凍餅🉐️喔！海鹽配芝士，好work呀！最欣賞係「Accro」無論咖啡同嘢食大部份都搵到個optimal位，唔會over，又唔會under，恰到好處，非常精準！點解？因為認真同專業囉👏！間咖啡店用咗「Accro」呢個法文命名，真係好匹配💪～試過一次，足以「上癮」。https://m.facebook.com/AccroCoffee/（完）
