你話要幾勇，先至敢喺疫情咁嚴峻嘅情況下，出去堂食吖😲⁉️坦白講，呢排確實係驚🥶，所以，好少出去「搵食」，最慘係日日屈喺屋企，好易心理唔平衡😵💫。最近只係出過去一次，仲要全副武裝（帽、一個布口罩再加一個KF94、眼鏡、空氣清新劑細支裝、大量消毒紙巾…），「懶聰明」咁揀平日（少D人囉），「幸福」咁去咗一轉赤柱，「好難得」咁呼吸吓新鮮空氣，「小心翼翼」咁食咗個快lunch😎。我唔知你有無同感？每次去赤柱，都係「賞心悅目」😍，D建築物、成個氛圍係好有味道☁️。點擊圖片放大 +5 👆喺赤柱，總係可以行到邊，影到邊📷，而其中一座最搶眼嘅梗係黃屋啦。👇 喺黃屋對面嘅就係今次嘅主角 ～ 一座好elegant嘅「麵包舖」Pane e Latte👇 成間店，由外到內，都好有歐陸情懷❤️。點擊圖片放大 Pane e Latte有兩層，地下係麵包店同餐廳，某D座位仲可以睇到赤柱海濱長廊同海景😎。 地庫就係麵包烘焙場，相當企理。👇 Pane e Latte賣嘅係義大利麵包，包括bomboloni (義大利donut)、focaccia (羅馬大餅)、牛角包、pizza等等，仲有供應全日早餐、甜品同飲品。份餐牌的確唔易睇，有選擇困難症嘅話🥶，有D大鑊🤣。 👆食物list / 飲品list👇 我點咗～1) Truffle Toastie2) Cheese cake3) Latte 事先聲明⚠️由於我家姐係一個麵包烘焙高手，我食開嘅麵包非常高質🤪，對麵包嘅要求相對地會好高。1）先講個Truffle Toastie ($98)👇 屬於義大利麵包panini嘅整法，用「飛碟夾餅」嘅形式再焗熱上檯🔥，裡面夾咗巴馬火腿、burrata芝士、火箭菜、黑松露醬。 各項餡料無得彈，高質💪，要「攻擊」嘅係個麵包❌，平平無奇、非常一般😵💫，點可能係名店嘅質素呀😑⁉️既然呢間店sell嘅係麵包，但焗完嘅麵包竟然有D「死死實實」嘅感覺🥶，而且，仲要$98（未加一），失望😥❗️2）咁個cheesecake ($68)又點呢🔍？👇 呢個反而有D驚喜喔😲❗️外皮鬆脆、又有粒粒嘅口感，內裏嘅cream cheese幼滑、香濃，可以話外同內都配合得出色，不過，唔駛$68咁貴吖嘛😰！3）至於個Latte ($48)就只係一般貨色，不過不失。 我想fair D，買多兩個signature嘅麵包返屋企試試，寫明係「signature」，又睇吓點🤔？ 👆Croissant Bomboloni ($38) 👆Croissant Choc Giandula ($42)唉！同樣令人失望😞！兩個麵包質感一般，裡面嘅餡又甜到飛起😰。 喂！$38同$42係極貴嘅價錢❗️同樣款式嘅麵包，分別喺「品穀」同「NOC」，都可以以平接近一半嘅價錢食到，而且，質素仲要唔差，咁究竟想點呢😵💫⁉️呢一餐，除咗個餐廳環境同外面嘅風景係吸引之外（員工嘅服務態度都好好），其餘嘅（包括食物、飲品同價錢）都唔理想，典型嘅「名過於實」。「名氣」呢家嘢講到尾咪係宣傳伎倆，對我嚟講，食過一次，就絕對唔會再回頭👋。https://instagram.com/paneelattehk?utm_medium=copy_linkhttps://www.facebook.com/paneelattehk/（完）
