懷舊X創新？精神分裂咩😵💫！？無呃你喔🤪！喺疫情非常嚴峻下，呢間只係開咗幾個月嘅點心店「龍點心」就係以懷舊嘅包裝，推出一系列創新嘅點心，好似麻辣牛肉燒賣🌶️、拉絲菠蘿包🍍、口水汁龍利魚腸粉👅等等。先講個裝修👇 👆龍點心 (觀塘觀塘道398-402號Eastcore 1樓4號鋪)懷舊得嚟，又唔想太老餅，於是就嚟一個fusion設計，地下同牆身搵到充滿童年回憶嘅傳統馬賽克磚，又用咗唔少霓虹光管。 仲加入一D老香港色彩，好似鐵閘、阿婆年代嘅水煲🔥，不過，成間店嘅用色就刻意好loud，希望整體感覺懷舊得嚟，又新派一D👇。 果日下午茶時段，一條友去幫襯😎，最正係tea time有八折囉🤪👻！一坐低，點完茶之後，店員立即捧上一碗滾茶同大碗，俾茶客親自用熱水消毒D餐具，咁嘅疫情下，呢D做法真係可以令大家安心D👍。嘢食嘅款式主要分蒸、炸嘅點心、小菜、粥粉麵同甜品五大類。 一兜友飲茶🐷，體諒吓🤣！食到嘅嘢真係唔多，我對兩款點心特別有興趣🧐 👆拉絲菠蘿包 ($36)唔好扮嘢！究竟拉唔拉到絲㗎！？ 勉強「拉」到😅，不過係小「拉」囉。菠蘿包配拉絲芝士，無論味道同口感都係匹配，但我略嫌三個包唔係熱辣辣，扣咗分。 👆一龍大滿足 ($58) 👇close up 識食梗係食呢個啦👻！一次過試到6款點心：（由左上開始）荀尖蝦餃皇、酸菜魚鳳眼餃、松露野菌晶瑩餃、（由左下開始）豌豆桃子、蟹粉菠菜香蝦餃、糯米燒賣。四隻蒸餃之中，三款完全達標（餃皮、餡料、味道👍），只係個「蟹粉菠菜香蝦餃」就唔得啦😵💫，衰嘅係「好腥」，相信係D蟹子出事，而且，隻餃一拎起就爛，個廚要再諗諗計。👇 有驚喜嘅係豌豆桃子同糯米燒賣，個「壽包」仔無一般蓮蓉壽包咁膩；而糯米燒賣既香又綿。呢間新派中式點心店嘅賣相係骨子，打卡一流👍，但始終開業無耐，食物質素有待fine tune，宜家喺餐飲業超級寒冬嘅環境下，撐到一日得一日💪。https://www.facebook.com/%E9%BE%8D%E9%BB%9E%E5%BF%83-112483444589463/（完）
