食海南雞飯一定要去新加坡？No啦！😎不過，新加坡嘅海南雞飯的確搞到大家好難服侍🤪～雞要去骨、有肉、嫩滑又有D咬勁；雞皮要黃油、香嫩，帶D煙韌；油飯要飯粒分明、軟硬適中、油而不膩，香氣撲鼻。終於，遇到一間喺香港好有水準嘅海南雞飯 ～ 長沙灣「蘇山雞飯」。💪！ 👆蘇山雞飯 (長沙灣元州街411號)疫情嚴峻之下，大家出街食飯係有D提心吊膽😖，敢唔敢堂食👀？真係好視乎D食店俾顧客嘅觀感。「蘇山雞飯」整體嘅環境乾淨、闊落，座位之間唔算太逼，而檯面嘅衛生程度大致令人安心。 間店嘅裝修充滿東南亞風味，卡位坐得幾舒服，而嘢食嘅選擇相當豐富，最緊要係D套餐（無論午餐或者下午茶）都幾抵食👍。 我點咗一個午餐Combo，包括招牌海南雞飯($68) + 輕怡肉骨茶 (+$10) + 小食麻辣玻璃魷魚通菜 (+28) + 凍咖啡 ，合共$96😎，巧滿足👻！ 1）除非你係一隻🐷，「蘇山雞飯」個set無可能唔飽囉😱！個size堅大呀‼️而且，你仲可以透過app，要求飯嘅份量係「大」，巧貼心囉❤️，所以，$96嘅餐，CP值高💪。2）先講「雞」，「蘇山雞飯」主要提供兩種雞～三黃雞同走地雞👇。 三黃雞出名雞皮雞肉好滑，而走地雞嘅雞味就好濃，各有特點，但兩種雞嘅煮法大致相同，先用加咗日本花菇同瑤柱嘅水煮熱，再過冷河，最後浸上湯，每件雞都勁入味。 雖然呢個set當中雞嘅份量唔算超多（唯一扣咗少少分🤣），但件件都啖啖肉，真材實料💪，我當日獲得嘅更加係雞翼同附近嘅位置😜，嫩滑非常，即使我唔食雞皮，我都膽粗粗試咗一啖，終於明白句廢話～「雞有雞味」嘅道理🤣。3）「醬汁」對海南雞飯有畫龍點睛嘅作用👇，「蘇山雞飯」單係個醬汁已經話你知，呢間舖頭係有要求，一D都唔Hea！我特別推介個黑鼓油同酸辣醬，餸雞餸飯一流👍。 4）講到「飯」，不得了‼️我俾🅰️。色澤金黃、唔會油淋淋，味道調到恰到好處，惹味而香口，加埋個黑鼓油，無敵💪。假如你係飯桶，呢個飯絕對唔能夠錯過‼️ 老闆（又係大廚）要求用煮雞嘅湯，加入蒜、蔥同椰汁去浸同煮D米，然後，用乾蔥、薑黃、蒜同斑蘭炒D飯。老闆簡直係完美主義者，由於想D飯更加入味同香噴噴，舖頭刻意用適合4至5人嘅電飯煲處理D飯，而唔係「大鍋飯」，所以，成個程序多咗唔少時間同人力，呢D咪專業囉😎‼️5）嚟到「肉骨茶」👇 事先聲明，真係唔係我杯茶🤣，因為我一向唔鍾意食呢味嘢，但本住試食嘅精神，就「勉為其難」點一碗嚟試吓👀。咦！？Not Bad喔！有驚喜！特別係個湯底，白胡椒嘅味道令成個set又多一重享受，只係其中一件排骨比較肥囉👻。 6）平時單叫小食「麻辣玻璃魷魚通菜」要$48😠，但用set叫，只係$28🤪，梗係要啦！ 通常連set叫嘅小食，都係搵笨！質素大多數係雞㗎！喂！呢個小食唔係騙案喔，如果你係C9，都應該知街市賣嘅玻璃魷魚一D都唔平，呢個$28嘅小食竟然俾咁多件魷魚你😳，而且D魷魚爽口、肥美，加埋個秘制麻辣醬，仲有通菜嘅調和，我無話可說！收晒貨啦！長沙灣真係美食天堂😈！元州街、青山道隨處都搵到勁嘢😎。https://www.facebook.com/%E8%98%87%E5%B1%B1%E9%9B%9E%E9%A3%AFSusan-104577038170978/（完）
