巧喜歡灣仔日月星街嘅氛圍😎靜中帶旺、新舊共融，古典之餘，又帶當代氣息，特別喜歡以下呢座建築物😍👇。 🖕Artemis & Apollo餐廳 （灣仔月街9-11號地下)不過，我唔係打算介紹呢間希臘餐廳喔🤣，最近，路經星街，遇上一間只係開業幾個月嘅咖啡店☕️，間舖好細（勉強坐到八個人），由兩個女仔主理，裝修簡約，骨子裡帶文青氣息。 🖕COFF Coffee X Croffle (灣仔星街2號地下K號舖)點擊圖片放大 間舖最吸睛嘅梗係呢幅牆👇 “Coffee ~ liquid that smells like fresh ground heaven”呢句係過往唔少商品嘅設計用語，好似記事薄、杯、t-shirt等等，而呢間仲將佢變成幅feature wall，打埋盞黃燈，係舖頭好重要嘅標記，非常靚仔‼️ 所謂Devil in the details，間舖無論咖啡同嘢食貴精不貴多，著重味道、質感嘅細節，好嚴謹控制每一件出品嘅質素😎。三大招牌包括牛窩夫、雪糕同咖啡。 🖕Ice cream croffle ($88)一次過試到間舖嘅兩種招牌食物～牛窩夫🥐同自製雪糕🍦。先講croffle，基本上係牛角包以窩夫嘅型態呈現。COFF炮製嘅「餅」熱辣辣，好新鮮，㩒落去有D似床褥😜，識彈返上嚟。外皮酥脆，內裏蓬鬆、柔軟又帶D煙韌、味道微甜，質素相當高💪。輪到雪糕，$88包兩球，COFF每日提供大約5種選擇，我當日揀咗朱古力同「好嚇人」嘅辣椒味 (paprika chili🌶️)🤣 COFF自製嘅雪糕sell嘅「唔係軟滑」，啱啱相反，係比較「粗糙嘅texture」，無論係辣椒味或者朱古力味，都分別感受到唔同嘅微粒喺雪糕裡面，當中，paprika chili令你聯想到燈籠椒嘅味道，而且，好似食到D辣椒籽咁🤪，真係有D辣㗎‼️至於好唔好食，就見仁見智，好視乎你嘅口味。對我嚟緊，我就會推介朱古力味，濃香、淡甜、大小適中嘅朱古力粒豐富咗雪糕嘅口感，食得出年輕女chef對細節嘅堅持👍。呢個招牌菜色，唯一要彈嘅係個portion～太細‼️會嫌$88有D貴囉🤣。 🖕Mocha ($55)COFF嘅Mocha用咗名牌Valrhona的秘魯單品朱古力，質感醇厚、甘中帶甜，咖啡味比朱古力味濃，飲完嘅回甘味係幾令人回味😎，比坊間好「味精」嘅Mocha高幾班。 🖕大桔大利蛋捲 ($58)農曆新年吖嘛🧧COFF推出新年限定～大桔大利蛋捲（蜜柑蛋捲）✌️，主角係嚟自日本和歌山縣嘅香甜蜜柑，外層係無麩質蛋糕，配上橙香奶滑忌廉。基本上，我係怕橙🍊，包括柑🍊🥶，不過，見新春大吉，點都要攞個好意頭🤪。成件蛋糕好清新，雖然係gluten free，但無影響蛋糕嘅鬆軟。蜜柑結實多汁，甜酸度適中，不過，硬係覺得～有需要將兩者結合咩？好似分開食，都無分別喔😅，個chemistry唔算好突出。明嘅！新蒸頭，始終要搞吓噱頭😎。https://www.facebook.com/coff.coffeeshop/https://instagram.com/coff__coffeeshop?utm_medium=copy_link（完 完滿滿🧧🤣）
