「我努力過生活，你拼命去生存。。。」呢兩句道盡最近一般百姓同食店喺疫情下嘅苦況😩。作為小市民，我喺做足防疫措施之下，只可以盡力去支持小店，幫得一間得一間💪🏻。呢間喺西環嘅小店，網上嘅評分相當高😎，不過，唔知點解，硬係未爆紅🧐，甚至好多人都唔知喺香港大學站B出口（聖類斯中學）附近，隱藏咗呢間質素勁高嘅小店，D漢堡包🍔做得非常出色🈵️。 👆HOHON Eatery 西環皇后大道西419M號地舖門面係好少見嘅墨綠色，不過，點都唔夠個店名特別😳，我問靚仔店員～「HoHon」係咩意思？佢話：「好漢不吃眼前虧😎」，我就話：「《好漢》係唔係指《好嘅漢堡包》呀？🤪」基本上，任君演繹。嘩！間舖細到呢👀D座位十隻手指數曬🤲 不過，乾淨企理，仲竟然有個廁所仔🚽 呢間店由三位新潮嘅年輕人打理，頭髮「立立令」，著晒舖頭t-shirt，好有team spirit🤘，每逢有客人入嚟，殷勤招待，服務周到，我又再次涉嫌將條年齡curve拉高晒🤣，因為大部分客人都好後生囉。嚟到HoHon，梗係食漢堡包啦！要試試佢哋嘅竹炭薯仔包 我揀咗多汁牛堡👇($106附送薯條或精選疏菜） 先講個「包」～1）竟然敢用黑色麵包咁寸🤣⁉️不過，真係要讚！年輕人就係要試新嘢，我覺得好make sense喔！（一）大家會好易記得！夠特別！（二）個竹炭薯仔包軟綿綿，又有質感，Good Choice💪。2）要先影影塊漢堡扒同煙肉👀👇 漢堡牛肉有濃濃嘅肉香，有咬口、又多汁，煎到恰到好處。如果漢堡牛肉係靈魂嘅話，咁塊煙肉肯定係回魂香🤣。呢個豬牛配好鬼夾，煙肉煎得甘香，但又唔會「死乾」，似一塊好juicy嘅豬肉乾mini版，煙肉嘅鹹香同惹味加添咗成個包嘅口感同味道👏。3）我唯一要挑剔嘅係個芥末醬，個口味係特別嘅，只係我略嫌有D鹹，如果多返一D甜味就會更正。要提提大家，幾「攻鼻」㗎👃！講到薯條，總係有D可憐🥺，因為一定係二奶、配角🤪，買豬肉搭豬頭骨🦴俾你咁囉！但係，HoHon嘅「豬頭骨」一D都唔HEA‼️ 薯條每條都肥嘟嘟、金黃色，唔會炸過龍，皮脆，裡面嘅薯蓉甘香，係坊間少有高水準嘅伴碟。過程中，我睇住個chef逐個包、逐個包咁做（其實，我覺得呢份工好悶囉🤣），佢好enjoy之餘，又一絲不苟，將個包唔同嘅部分砌埋一齊嘅時候，小心翼翼、又好仔細，甚至唔假手於人，自己親手將個dish送到客人面前，雖然呢D都只係一Ｄ好微小嘅細節，但絕對睇得出佢好認真對待呢份job。咁認真做嘢嘅年輕人特別有型😎‼️加油‼️https://www.facebook.com/hohoneatery/https://instagram.com/hohoneatery?utm_medium=copy_link（完）
