你係pizza精？定係tiramisu控？抑或係waffle迷？仲要係Bearbrick粉絲？啱啦😎！呢間銅鑼灣咖啡店簡直係「出奇蛋🥚」一樣，一次過滿足你所有願望🤪！ 👆Al Forno Cafe & Bar銅鑼灣告士打道218號地舖先講咖啡店嘅環境，水泥、磚墻同木 建構嘅簡約風，雖然座得逼D，但整體係舒服😎，仲要係pet friendly，加分啦🐶🐱！裝修最大嘅賣點梗係呢幅特色牆👇 👆壯觀嘅場面😎曬冷咗接近一百隻Bearbricks嚟到戲肉，逐一介紹咖啡店嘅邪惡之物😈～1）四式芝士薄餅👇(Set lunch連湯 $128) 好喪😳！第一、聲稱係一人份量🥶，一個人點可能「隊」到成個pizza⁉️個portion堅大！第二、四式芝士邪惡到一個點👀，俾個close up你👇 呢層「厚芝士」真係「好痴線」❗️就嚟厚過塊pizza！如果你係芝士控，一定會喊🤣，至於我，就略嫌太rich、太heavy，食完之後，個人好不安，好有罪惡感，我有D接受唔到囉🤪。不過，呢個set，論材料、論師傅手藝，係值回票價💪。2）鹹牛肉炒蛋流心花生醬牛窩夫👇($88) 淨係個名已經嚇窒你啦😱，衰到無朋友❗️個牛窩夫係將牛角包嘅麵糰（25%嘅牛油）放入窩夫機烤焗而成，所以，呈現比利時waffle嘅形狀。講到個餡👇，差D爆粗🤣 個大廚係咩人類呀⁉️諗到鹹牛肉+炒蛋+流心花生醬，簡直與民為敵🤣。蛋同花生醬既中和咗鹹牛肉嘅鹹，又加添當中嘅蛋香同花生香，配埋即叫即做，外脆內軟嘅窩夫，個size又大小適中，非常滿足😎。最緊要係外面餐廳又好少食到呢隻口味，對比四式pizza，我會更加推薦呢個窩夫💪。3）招牌Tiramisu👇($68) 好啦！壓軸出場嘅真係不得了😱❗️我自問試過嘅Tiramisu起碼超過6、70個款式，呢款應該係我暫時試過最好食嘅一間👍。件tiramisu主要由cream同手指餅結合。自製嘅cream細緻軟滑、甜而不膩，我特別喜歡浸滿酒嘅手指餅，增加咗成個甜品嘅味覺、質感同複雜度，比其他餐廳嘅tiramisu 嘅甘味重，整體嚟講，奶味、咖啡味同酒味嘅mixture同比例係一絕。如果你嫌成個tiramisu太多，你有另一個選擇👇 👆Latte Tiramisu (跟set lunch 加 $30)隻杯好鬼fancy😍，香濃嘅latte上面好elegant咁放咗一隻lady finger (tiramisu手指餅嘅輕盈版)，係唔少女士嘅選擇。唯一要提醒大家，呢間咖啡店嘅鹹食確實比較「膩」同「滯」，所以，建議大家唔好再飲太奶嘅飲品，清新嘅Espresso Tonic係最佳拍檔😎。https://www.facebook.com/AlFornocafeandbar/https://instagram.com/alfornocafeandbar?utm_medium=copy_link（完）
