長沙灣一帶臥虎藏龍😎，雲集唔少隱世高手，賣牛肉麵、海南雞飯、麵包。。。今次介紹呢間有D「騎呢」😳，個店名係「王孖記果子」，咁應該同生果有關啦！？係！無錯！原本主要係賣水果，只係老闆見老婆好鍾意食長洲芒果糯米糍，幾年前自己研發一條整糯米糍嘅配方～每日新鮮造嘅皮 X 北海道牛奶 X 菲律賓呂宋芒 =👇 結果大受歡迎，每日限量300個（後來600個），日日賣清🎃。之後，老闆再推出唔同款式，水蜜桃、榴槤、癲到連原個無花果糯米糍都有🤪。不過，以上嘅都唔「騎呢」，各位朋友📣，一間水果店賣飯盒究竟係咩玩法？👻 如果唔係舖頭前面企咗一堆人，我真係唔會注意到呢間舖嘅存在囉😳。其實，佢個門面都幾「騎呢」㗎🤪👇長沙灣青山道475號 王孖記果子 請問上面嗰三串燈籠係咩style呢？倩女幽魂咁喔🧟♀️定係代表串燒魚蛋呢？🤪巴閉‼️外賣飯盒只供應三小時（星期一至五 1200-1500，點呀⁉️週末仲要休息😪‼️），而且，通常唔駛3點就會賣曬！選擇只係得以下呢幅圖咁多👇。 好啦！40蚊一個set👀，包一盒飯（黃薑飯或椰香飯）、秘制沙爹醬、一個甜品、同一盒紙包飲品👇。 我同朋友揀咗自家製叉燒黃薑飯同沙爹雞肉串椰香飯一齊share。 呢一餐，我有以下comments😎～1）兩盒飯嘅賣相唔似間舖嘅style咁可怕囉🤪（大佬！嗰排串燒魚蛋燈真係連Anson Lo都carry唔到🤣），lunch box外型討好💪，由紙盒嘅包裝到碗飯嘅造型、擺法都好chill囉😎；2）一打開兩盒飯，D香味立即撲過嚟😳，特別係D叉燒同串燒💪；3）痴線㗎！個椰香飯配沙爹醬好食到癲‼️😱由於本人好喜歡椰子，我先食一啖椰香飯，已經想噴出嚟😜，好香嘅椰子味，但一D都唔油膩，再配埋個沙爹醬👇 真係要俾個close up佢（雖然影咗等於無影🤣）。淨係呢個沙爹醬，已經可以餸兩碗飯👻。大家都明沙爹醬一定油到爆，但王孖記嘅秘制沙爹醬鹹甜度適中，油同渣嘅比例恰到好處，又有花生粒嘅口感，我覺得配椰香飯比黃薑飯更夾；4）個雞肉沙爹串非常出色，BBQ味香濃、肉質嫩滑，加埋個沙爹醬，無敵‼️（可以單買沙爹👇，支醬好緊要呀！記得買埋🤣）； 👆沙爹醬 ($10) /串燒 (半打$65)5）要挑剔嘅係叉燒，燒得香嘅，但我略嫌肉質有D韌，可能同D叉燒都幾厚有關。嘩！仲送埋一D都唔hea嘅甜品，係甜品size細咗D囉😅 👆鴛鴦椰汁布丁今時今日，$40食到咁嘅質素嘅飯盒，我真係好難mean出口🤣。不過，都要投訴🤬👇 點呀！？糯米糍幾時先再供應呀？😩https://www.facebook.com/w.boysfruitstore/（完）
