「鳳鳴居」👀🧐個名好鬼傳統，估佢唔到原來係兩位90後年青人開嘅小店💪。幾年前，佢哋兩個只係「佔用」一間火鍋餐廳嘅下午時段，專門做下午茶，結果越做越掂，直至2018年喺上水開咗第一間「鳳鳴居」😎。「鳳鳴居」sell咩❓淨係個名都應該估到啦🤪～無錯！係雞❗️🐥🐤🐣上水間舖經常大排長龍😫，必殺技就係個靚靚雞湯底🍜同滑滑嘅雞。佢哋每日用幾十隻雞去熬個基本湯底，其中個藥膳湯底真材實料，再加入當歸、黨蔘、紅棗、川芎、白芷等等藥材慢慢熬，唔添加味精。至於D生雞件，係即叫即煮，相當嫩滑😍。上個月，佢哋終於喺旺角開第二間分店🔥👇 旺角西洋菜南街138號 鳳鳴居你睇吓個門口👀好似大耳窿上門追數咁🤣，好癲囉‼️12:00開門，11:45就有客排隊（包括我🐷✌️🤪）。 一坐低，同朋友點咗三樣招牌菜😎～花膠醉香雞湯米線 ($90)醉香雞湯米線 ($52)黃金魚皮 ($40) 👆花膠醉香雞湯米線（左）/ 醉香雞湯米線（右）基本上，以上兩碗米線嘅分別只係條花膠同38蚊🤣，所以，我先講碗醉雞湯米線，唔好理條花膠住🧐。由於即叫即煮，要等大約10-15分鐘。店員捧住碗米線，行埋嚟嘅時候，已經聞到好濃嘅酒香味🤩。我第一時間飲咗一啖湯🧐 做足「隔雞油」嘅步驟，湯底濃郁、好實在嘅藥材味、酒香撲鼻、我唯一要挑剔嘅係「過甜」，令你懷疑個湯底有無加味精？為咗驗證，我破例飲咗好多雞湯，試吓事後會唔會口渴☹️，結果～無事👍。我咁mean，梗係數吓有幾多件雞啦🤪？合共六件，大部份係啖啖肉，只有一件係無乜肉、把鬼嘅雞骨。D雞件清香、嫩滑，配埋個醉雞湯底，鼓掌👏。總括而言，我覺得呢碗米線值回票價 (=$52) 🈴️。好啦！終於講條花膠🤣👇 Size係大，但味道同綿度只係一般，亦唔太吸收到周邊材料嘅「精萃」，所以，我認為無需要為咗條花膠俾多$32，唔值‼️反而，可以用呢D錢叫多一個小食（男士單係碗米線可能未必飽🧐）。 👆黃金魚皮知佢咩料啦❗️即係鹹蛋黃魚皮。絕對係意外驚喜🥰❗️鹹蛋黃好平均咁滿佈喺甘香鬆脆嘅魚皮表面，而且，仲要有微溫🔥，非常惹味同香口，食到停唔到口，如果portion大D就perfect👍。始終係試業階段，總會有唔少改善嘅地方，例如：店員落單同上菜嘅準確度（有D亂）、serve客嘅次序、效率等等。入到「鳳鳴居」，不期然會諗起今年「叱吒樂壇頒獎禮」個口號～「即刻青春」🤣。係呀！店主、店員同食客全部都好後生💪，我「涉嫌」將條年齡curve拉高咗💩🤣。食呢餐，我見證兩樣嘢～以為自己青春咗🤩；年青人係需要多D支持💪‼️https://instagram.com/fengminghouse?utm_medium=copy_link(完)
