你係唔係飯桶？🤪就算你唔係，身邊總有一個係每餐都要有飯落肚先安落嘅飯桶🍚。自從9月開始，牛頭角就爆出一間炒飯炒到排晒人龍嘅小店😎，將港式「佬」飯捧上神枱😇。我選擇開舖時間11:30就碰到去幫襯，點呀⁉️我相信只有司機大佬先會1130食咁飽肚嘅嘢囉🤣，去到果然唔駛等位👏。 雖然食嘅嘢幾「佬」同好街坊，但間店勝在環境企理，乾淨過茶餐廳，不過，坐得就逼D。 一坐低，唔駛諗，點咗兩碟超級人氣炒飯👇。由於即叫即做，每碟飯要等大約20分鐘⏰。 👆即叫即炸豬扒飯 ($68， 熱飲加$6/ 凍飲加$8)椒鹽豬扒已經攞你命👀，仲要係炒飯底🤣真係衰到無人有‼️碟飯一上枱嗰吓，我同朋友都有D被嚇窒🥶😱～（一）個portion好大👀，雖然個價錢$68，唔算平民化。大佬呀‼️碟嘢貢鬼大，豬扒同D炒飯成座獅子山咁，可以兩個人share囉❤️，CP值超高💪。（二）椒鹽、蔥花同辣椒多到好似唔駛錢咁😜，成碟嘢嘅顏色好靚😍而且，未食已經聞到濃烈嘅香味👃。先講豬扒，選用豬肋骨旁邊嘅部位，以秘制醬汁醃佢4個鐘，然後放入比較健康嘅芥花籽油炸。之前舖頭限量每個鐘只做四碟，但由於太受歡迎，宜家唯有辛苦師傅，多D嚟，密D手。豬扒肥瘦適中，入口乾脆鬆化，唔會油淋淋之餘，又保持到肉質好juicy；即使椒鹽好多，但唔會過鹹，愛嚟餸飯一流👍。講到炒飯，當然係呢間舖嘅必殺技🤛，用嘅係泰國米、隔夜飯，加入湖北蛋快炒，炒得均勻，成碟炒飯金黃色，有米香，又有蛋香。只係我唔係太好豬扒🤣（無論邊方面都唔好🤪），我嘅飛佛其實係呢碟😘👇 👆秘制炒牛肉雙燶邊蘭王蛋飯 ($78) （個名長到好無謂😒）痴線㗎！😱食呢碟嘢真係有D手騰腳震🤣，碟飯好巨型，又牛肉、又沙爹醬、又蛋、又炒飯、又配菜（椰菜同菜脯），好多嘢囉！都唔知食邊樣先🤯‼️首先，個蛋靚到藝術品咁，連老闆見到我碟飯，都走過嚟「自吹自擂」話：「嘩！今日個蛋煎得咁靚‼️」🤪篤穿兩隻蛋，等D蛋黃中和咗沙爹醬嘅鹹（我覺得有D鹹，扣少少分），增添咗成碟飯嘅蛋香；牛肉軟滑，非常入味；為咗增加口感，更配上醃製嘅菜脯。食呢碟飯，感覺好豐富！色、香、味乜都有‼️以呢碟飯嘅份量，而兩隻蛋仲要係蘭王蛋，收$78算合理👌。 👆金飯館餐牌呢間店定位清晰，主攻嘅就係飯～炒飯同泡飯，寧願專心同用心做好一樣嘢，好過周身刀無張利，難怪短短四個月就殺出一條血路💥。https://www.facebook.com/%E9%87%91%E9%A3%AF%E9%A4%A8-738650446828736/P.S. 我喜歡支持地區小店，更加like街坊人情味，好似呢間小店，喺啱啱過咗嘅冬至，免費請老友記食飯，呢D咪良心囉‼️https://www.facebook.com/738650446828736/posts/845846659442447/?d=n（完）
