灣仔嘅車仔麵店多到阿媽都唔認得🤯，要殺出重圍真係唔易。最近，路經皇后大道東，你都知條路有D窄，行行吓，有堆人企咗喺一間舖前面，都幾擋住條路🙄。「咩料呀⁉️」，一望👀 咦⁉️係一間新開嘅車仔麵店「肥佬車仔麵」，個名係有D low🤣，但勝在親民囉❤️，門口仲有唔少人排隊等外賣添，應該衰極有個譜😎，於是，膽粗粗同朋友走入去試試🍜。打算都係用呢個評分標準👇😎［🅰️勁好/🅱️滿意/🅾️合格/⏺麻麻/❌唔掂］1）環境🅱️乾淨、企理，只係細咗D，坐得有D逼。大佬，灣仔呀！租金咁貴！體諒吓‼️ 2）食物選擇🆎 有選擇困難症嘅，望住個餐牌都幾大鑊🤣，確實幾複雜🤨。最簡單梗係盡量點晒D招牌菜色嚟試啦！3）價錢🅱️間店設最低消費～$39。假設係一碗正常嘅三餸麵（牛筋、咖喱魚蛋加午餐肉），承惠$44，算合理👍。4）湯底🅰️無睇錯😎，真係🅰️！ 👆紅圈裡面嘅字眼「一斤雞 三碗湯」、「原滴鮮熬」通常都係形容D「雞精」🐔，嘩！好似好勁咁，係唔係堅呀？🧐好啦！當兩碗麵上檯👇 第一時間飲啖雞湯先👅鼓掌👏！勁甜！唔味精！無搵笨！只係我哋比較C9，唔駛加錢可以有埋秘制辣汁，梗係要啦🤪。其實，淨係個雞湯已經好正👍。5）招牌香辣魷魚🅰️（$14） 非常惹味、爽脆、有咬口，而且，份量唔少，必吃之選。6）牛筋🅰️（$14） 唔好意思！又係🅰️呀🤣。水準同出名嘅牛腩牛筋店有得揮💪柔中有勁，好入味，食得出師傅嘅用心❤️。7）滷水雞中翼🅱️（$12）唔怪得$12啦，水準一般🤪。要扣分嘅係「唔夠熱」。8）潮汕手打牛丸🅰️（$14）喂！粒牛丸juicy到無命😍🤪。煙煙韌韌！濃濃嘅牛肉香！出色‼️唯一最衰嘅係「得兩粒」囉🤣。 9）咖喱陳皮魚蛋🅰️（$12）魚蛋種類當中，我特別喜歡陳皮魚蛋，味道特別、質感Q彈。「肥佬車仔麵」選用呢種魚蛋，明智之選💪。以我咁mean嘅人，竟然會俾咁多🅰️，呢間今年8月先開檔嘅車仔麵店確實好有驚喜！最後，提提大家🛎一千零一個伏位就係杯凍咖啡😩唔掂！水溝油咁‼️https://www.facebook.com/%E8%82%A5%E4%BD%AC%E8%BB%8A%E4%BB%94%E9%BA%B5Uncle-Fatty-109365764737633/（完）
