你可能幫襯過爆紅咗一段時間嘅咖啡店Infiniti C😎，鎮店之寶當然係蝶豆花伯爵茶戚風蛋糕👇 但你又知唔知咖啡店背後，關於店主嘅故事呢🧐❓我前排刻意去咗佢哋喺堅尼地城發跡嘅第一間店👇，無選擇去中環最新嘅分店😅。 👆堅尼地城爹核士街11號浚峯地下6號 未講故事之前，梗係醫飽個肚先啦🤣！呢間coffee shop嘅嘢食有三大賣點～無麩質、純素、生嗣😳。咁即係咩？時間關係，自己睇睇以下呢個懶人包👇，絕對幫到你🤪。 隨住低碳水化合物同生嗣飲食嘅流行，越嚟越多人like牛油果🥑，始終食牛油果對身體有唔少好處（有助減肥，有益心臟，預防骨質疏鬆，緩解關節痛，降低膽固醇。。）。Infiniti C 其中幾樣菜色都係同牛油果有關😎，當中最吸睛嘅👀梗係🤤👇 蟹肉牛油果漢堡包($138)👆以嚟自澳洲嘅原個牛油果代替麵包，中間「塞滿」鮮甜嘅蟹肉、開胃嘅洋蔥同爽脆嘅沙律菜😍。 牛油果本身好似奶油兼滑溜嘅texture，有飽肚感但又唔會流於「膩」。成個「包」食落去「無負擔」，好fresh‼️牛油果一向嘅味道比較subtle，而蟹肉同沙律菜喺廚師嘅秘制沙律醬汁之下，變得比較loud，好醒神！於是，個「包」同個「餡」做咗個反差，互相輝映👍。 蝶豆花伯爵茶戚風蛋糕($88)👆非常出色😍‼️（只係太貴🤣）。件蛋糕用料講究，混合咗蝶豆花做成灰藍色嘅面層忌廉，cream同mousse都係用椰子奶做，海綿蛋糕就唔用普通麵粉，用上糙米粉。成個甜品，無論蛋糕同cream，口感輕柔軟滑、細緻非常，淡淡嘅茶香味，甜而不膩。當我好滿足咁食住呢件「珍品」，不期然，想起呢間cafe店主嘅故事📖～Infiniti C有四間分店，有一間叫Infiniti C By October，而October其實係咖啡店其中一位創辦人，亦都係「故事嘅主角」。October本來係模特兒，面對行內極大嘅競爭，長期嘅壓力令佢不自覺患上抑鬱症😞。試過一日睇幾個專科醫生，一次過食15個蛋撻同一磅蛋糕（因為食完以為會開心D），最嚴重係喺深夜時候，企喺窗邊，打算跳落去，一了百了。抑鬱症之下，佢經常匿埋喺屋企，唯有靠上網打發時間。無意間🧐，佢發現一D生酮同無麩質飲食嘅資料，佢本身鍾意食甜嘢，於是，不停搵食譜，學做無麩質甜品。就係咁，人生突然間有咗寄託，亦都逐步減輕咗抑鬱症嘅病情。當時，佢再次出現人生目標🌞～要擁有一間甜品店❤️。由於無相關嘅工作經驗，佢唔介意減人工，由低做起。佢試過向一間規模好細嘅咖啡店毛遂自薦，開頭俾老闆reject，但半個月之後咖啡店有員工離職，老闆就請咗佢。呢份工洗碗、上菜、沖咖啡，全部一腳踢，最重要係呢間小型咖啡店開始咗佢做甜品嘅生涯👏。一年之後，October正式加盟Infiniti C，透過咖啡店嘅理念，開始宣揚同叫大家珍惜健康嘅可貴💪。 我好記得食呢件蛋糕嘅第一啖😳，個腦閃咗好多點解⚡️「呢件蛋糕硬係有D唔同喔🤔❓」、「點解咁好味🤤⁉️」、「點解件蛋糕咁冰涼同清爽😳⁉️」、「會唔會係我食過最好食嘅蛋糕呢😯❓」。又有幾多食客知道蛋糕背後嘅故事呢？😅所以，間唔中會提提自己👉當我好暢快咁享用食物嘅同時，都應該發掘吓，原來食物嘅背後埋藏咗唔同嘅人生故事💗。https://www.facebook.com/Infinitichk/（完）
