好like呢間咖啡店創辦人Kitty所講～「我哋唔係單純只係幫佢哋，而係真係睇到佢哋嘅能力，佢哋嘅價值，咖啡店先會請佢哋。」所講嘅「佢哋」，係三位有自閉症嘅年青人💪。呢間社企咖啡店，無雷公咁遠㗎‼️因為喺坪洲⛰️，但對我嚟講，反而巧方便喔🤣，從愉景灣搭街渡去坪洲(成人$7.5)，20分鐘都唔駛（途徑神學院），🚢到咗👇👻！ 嚟坪洲食好西，最緊要記住兩條街：永安街同永興街😎，而呢間社企咖啡店「The Edible Projects」就喺永安街1K ，一間類似村屋嘅建築物地下前座👇 「The Edible Projects」係今年9月由社企組織「LoveXpress愛傳遞」開設，目的係幫助自閉症年青人就業，始終自閉症嘅朋友有社交障礙，唔太識得同人相處。老闆娘Kitty請咗呢三位自閉症年青人之後，再加訓練，由落單、煮咖啡、整嘢食、清潔，一腳踢，仲要合作無間👍😎。 咖啡店環境舒服、企理，雖然細細間，但室內室外兼備🌞，亦都係上坪洲手指山嘅必經之路，可以食完brunch或者lunch，歎杯咖啡，再出發🏃。我當日11點嚟到咖啡店，啱啱開門，已經有一枱客比我更早到。 我點完餐，突然，其中一位店員走過嚟：「唔好意思！你點咗Espresso Tonic，我哋D梳打水用晒，介唔介意我即係去買？」以平時咁mean嘅我🤣一定反眼啦👁，唔知點解，無喔🧐，我個人仲忽然nice咗添🤪，好有禮貌咁回：「唔緊要呀！我都唔趕時間。」之後，年青人一個箭步🚀撲出去買soda水，十分鐘連人帶貨搞掂。👇 Espresso Tonic ($38)👆聽講自閉症嘅朋友對程序同規矩好執著，所以，提提大家👉嚟到呢間咖啡店，多一D包容！多少少耐性！雖然眼見三位年青人已經忙個不停，但我都要大約1140先有嘢食😅，店員上食物嘅同時，好有禮貌同誠意講咗一句：「對唔住！要你等咁耐🙏。」 照燒雞肉意粉 ($78)👆雖然我知道呢間coffee shop嘅背景，但我對嘢食嘅要求無compromise😎。雞皮甘香鬆脆、雞肉滑嫩、意粉入味而Q彈，整體質素，好味‼️絕對比得上外面嘅coffee shop👍，只係略嫌份量少咗D🤣。 招牌朱古力米蘇凍餅Chocomisu ($48)👆好明顯係Tiramisu D friend啦👻，賣相精緻，以椰子奶做主要成份，好rich！好綿！好香！又唔會過甜，值得推介🌟。 成個lunch前後用咗一個鐘多D，我坐喺open kitchen旁邊，觀察Kitty同年青人嘅互動，仲有年青人之間嘅相互交流，好似一家人咁，係愛呀哈利❤️！雖然咖啡店仲有D地方需要改進（例如：效率），但單係幾位年青人嘅認真同殷勤，哎呀！真係唔該市區果D西口西面嘅服務員學吓嘢啦！D客無欠咗你哋㗎🤣‼️#資料補充😎👇1）「The Edible Projects」每星期會安排一日，以簡單茶點，免費招待島上嘅長者，仲可以促進同訓練幾位年青人同「老友記」嘅交流❤️👏 2）喂！去坪洲玩，記得幫襯吓‼️佢哋個目標係自負盈虧🧮。（不過，📡去之前，要check吓咖啡店當日有無開門，唔係日日開㗎‼️）3）Like佢哋個FB同IG呀👇🙏https://www.facebook.com/the.edible.projects/https://instagram.com/the.edible.projects?utm_medium=copy_link（完）
