除非旅行，我先有意欲排好耐嘅隊去食好西；除非拜山，我先有機會「攀山涉水」入元朗。（無意冒犯🙏只因我住得太遠，每年只有清明，先會入元朗掃墓😅）最近，我連環打破呢兩個「除非」😳，竟然為咗一間喺元朗嘅街邊小店，等咗超過一粒鐘（包括45分鐘嘅排隊）😒‼️其實，我應該入青山，唔係入元朗！💊🤣！未講我嘅「慘痛」經歷之前，要先介紹一種我好鍾意食嘅包，叫「刈包」。（時間關係😎自己睇wiki🤪👇）https://zh.wikipedia.org/wiki/%E5%88%88%E5%8C%85唔識讀「刈」呢個字？🤪各位同學，跟我讀一次👄📣係「艾」🤣。呢種台灣小食，香港唔少地方都食到，只不過，好多都整得難食同俹簁（乸西）😒，最恐怖嘅係有D做到D皮係濕咗同淋晒😩。而呢間元朗小店「倆口小吃」主打嘅就係刈包👇。 個世界如果無咗Google，我應該要自盡😰。多得「谷歌」，我當日12點就順利去到「案發現場」🤣 12:00～我諗住大把時間🚬，反正12:30先開舖。點知😳。。。「咩料呀😱⁉️未開舖已經有人排隊😒‼️」排隊個D又係咩人類呀！？D人唔駛返工嘅咩！？🤣12:01～作為最鍾意排隊嘅香港人，我梗係唔執輸。排隊發呆之際，只可以透過玻璃👀望住老闆喺廚房好忙碌咁做準備。好！趁呢個時間介紹吓型男老闆，佢分別喺兩間米芝蓮餐廳同英國嘅四季酒店做過💪，「倆口小吃」係佢同女朋友一齊出嚟闖天下嘅傑作，唔好以為佢喺台灣學過整刈包🧐其實，佢只係喺網上睇完D片，再融合自己嘅技巧、經驗、創意，屢敗屢試，最後先試到宜家嘅配方，癲起上嚟，一日要踩16個鐘，由搓粉、蒸包、做餡、煎餅，全部一腳踢，成間舖就只係得兩個人😓。 相片來自「倆口小吃」嘅FB page👆12:48～（遲咗開舖😒）開舖前嘅一刻，目測現場條人龍有十幾人👽（私隱關係，唔方便影人龍😅）企到腳到酸😩終於輪到我落order😎 我「字正腔圓」咁同女店員講：「一個蝦餅「刈」包。。。」，我未講落去，只係聽到好大嘅一聲：「吓⁉️」🤣喂！你咁嘅反應🧐，究竟係：1）我讀錯音？2）你好驚訝有人讀啱個音？定係～3）你原來唔識個讀音？呢條問題至今都未有答案🤡🤪。由於本人唔敢食肥豬肉（無誇大😓我食落口會嘔🤮），我唔可以點最正宗嘅傳統刈包加柚子醬👇因為有五花腩🐷 於是，我點咗另外兩樣人氣食物：蝦餅刈包同四式芝士壓餅😎 蝦餅刈包($46)👆成個包嘅賣相好靚，用料豐富，好大塊蝦餅、特製嘅咖喱汁，配芝麻同西洋菜，成件事好新鮮🤪。由於即叫即整，個包熱騰騰♨️，感覺D蒸氣仲存在，但個包又唔會濕咗或者淋咗，而包嘅口感係柔中帶勁💪，至於件蝦餅彈牙而香口，芝麻同西洋菜可以話係神來之筆😎，我唯一略嫌個咖喱汁有D鹹，整體嘅評價係「出色」👏。咁辛苦嚟到，仲要等到「天荒愛未老」😒，梗係唔會咁弱智只係叫一樣嘢啦🤪唔理三七廿一，叫咗一份壓餅。 四式芝士壓餅 ($26)👆瀨嘢😱‼️真係瀨晒嘢‼️我唔應該叫一份‼️🤡💩😩我應該叫兩份呀‼️嘩！痴筋呀‼️呢件壓餅真係好X好食🤤😍🤣個texture簡直一流👍外面脆卜卜，裡面欲斷難斷、煙韌無比，你睇吓個芝士👇幾咁rich😍芝士嘅鹹香配餅皮嘅酥香，我當刻有諗過再排過隊🤣。重新嚟過！Yeah✌️🤣 香港有唔少爆紅嘅食店，但好多都一閃即逝。呢間「倆口小吃」都紅咗足足半年，仍然人氣高企，證明咗呢間小店嘅認真、專業同用心，正如佢哋FB曾經出過一個post👇 專注、專業、追求完美💪｛題外話👆上面個post第一句（唔係Heading）錯咗grammar，唔該個page嘅版主修正🤣。｝https://instagram.com/both_street?utm_medium=copy_link
