各區都有唔少咖啡小店☕️，最近，心血來潮，去咗一轉新蒲崗😊。對新蒲崗有咩記憶？🧐嘩！D記憶「十世」前呀！最記得一定係麗宮戲院🎬空間超大👀、傳聞有鬼👻、間唔中上鹹片囉👄🤣。。。另一個最深嘅回憶要數到一間幼稚園叫「一朵小白花」😇，因為係我嘅母校👻。个校名真係無得頂🤪，正所謂「涼」到盡頭就係型😎，不過，間學校執咗啦。👣 網上圖片👆新舊交替係必然嘅事，重臨舊地，少不免，感觸良多。好彩，呢個區未完全比新嘅發展吞沒，仲有唔少嘅人情味同昔日情懷留低喺橫街窄巷，其中一間咖啡小店sell嘅就係懷舊風🌀 👆「死仔‼️仲唔幫手執屋‼️」🤣呢個look簡直係8、90年代亂糟糟D屋企啦🤣邊一忽似咖啡店呢？👀咁唔怪得呢間coffee shop叫「窩子」啦🤪 新蒲崗窩子cafe👆我呢D咁膚淺嘅人🐷見到個裝修咁鬼樣，對間舖梗係冇乜期望啦🤣但我既然嚟咗，點都會做埋場戲嘅🎦難為個店員好落力咁介紹，我只係好hea咁點咗一D甜品🤪老實講，我立心不良，諗住「寫衰」佢🤫🤤。我首先點咗梳乎厘班㦸。基本上，「梳乎厘班㦸」本身就係騙案🔪我一直唔明大家點解咁鍾意食呢種「ge」嘢⁉️你唔覺得食緊空氣嘅咩？不過，既然係呢間店嘅名物，無理由唔試。 經典牛油黑糖漿梳乎厘班㦸 ($89）外型上，件班㦸好有厚度，底同面都煎焗得靚，雖然無玩層層疊，只係一個小瀑布嘅造型，但精緻而樸實。當我食第一啖😳咦⁉️瀨嘢喔！唔係個班㦸呀！係我瀨嘢呀！🤣原本仲想寫衰人地，點知。。。質感方面，食梳乎厘就係好低能咁要享受個份空氣感😅而要形容呢一間嘅話，我會用「吹彈可破」👻，texture好幼滑，最強係每啖都有好濃嘅蛋香味，我真係覺得佢唔會差過大阪間名店喔。我個「如意算盤」（唱衰人地）打唔響之際，係有D亂咗陣腳🤣點算？！跟住出場嘅呢一件仲要係店員推介比我👇唔通仲堅D❓😬 柚子檸檬水果撻($82)喂呀！😑明明係柚子檸檬撻，個樣唔係應該似坊間D檸檬撻咩？一般都係黃黚黚、扁噼噼！但我面前嘅呢個駛唔駛咁靚呀！🤣花卉展咩🌼唔用一般水果撻好傳統嘅造型，以兩塊自家製嘅「麥維他消化餅」做餅底，熱辣辣，好花功夫喺上面砌咗新鮮嘅柚子、加工處理過嘅檸檬片、甜甜酸酸嘅果凍、柔滑嘅cream、清新嘅薄荷葉，仲有。。。我最驚嘅橙皮條🤣（本人確實變態😎唔食橙，甚至唔觸摸橙🍊）。成件事無論味蕾同口感都好豐富👏餅底鬆化，充滿牛油香味；新鮮柚子嘅天然果甜，檸檬片同橙皮喺廚師嘅加工之下，調得好惹味，我「妹」咗塊檸檬片足足一分鐘🤣。整體上，我形容呢個甜品好fresh，用料新鮮、外型新穎、味道清新，非常有驚喜👍我要彈嘅主要係個價錢，始終係新蒲崗，兩個甜品嘅價錢其實唔太平民化。不過，唔平嘅價錢，平日仲可以座無虛席，證明呢個世界無符碌！用心去做有質素嘅product係會有回報😎https://www.facebook.com/wozi.cafe/（完）
