為免太out💩我逼自己睇咗一集「魷魚遊戲」，跟住就收工🤣因為我怕血腥同暴力（講到自己好純潔咁❤️）。「魷魚遊戲」嘅爆紅增加咗唔少人嘅生活樂趣，連我呢個out精強都無無聊聊買完麵包，砌咗呢個圖案👇🤣（Sorry！我無喺呢間麵包舖買三角形麵包🔺🤣） 宜家實體嘅、online嘅麵包店成行成市，同樣都要面對「魷魚遊戲」，喺現代資本主義競爭激烈嘅社會裡面，點樣求存？有無公平呢？要介紹嘅呢間麵包舖叫「品穀」，由兩個型男兄弟喺2015年創業。 係唔係型先？😎👆大佬Andrew（左） 細佬Jeffrey（右）當年創業個頭開得好爛😫衰到連公開請人都無人嚟見工。由於佢哋堅持用最好嘅料，要無添加，結果定價太高，拍烏蠅囉🪰當時，每日有大量麵包賣唔出，要捐比慈善機構，最慘係D法式麵包皮太硬，連露宿者都唔要😫疊埋心水，準備執笠之際，商台一位DJ試咗D麵包，再喺social media分享，之後「100毛」又採訪間舖📹，條片出街第二日，神蹟一樣🙏開舖之前，竟然有人排隊😱仲試過9點開舖，9:30am全部賣晒🤣。店主喺FB都寫過跌跌碰碰嘅感受👇https://www.facebook.com/1413822955587308/posts/1939839679652297/?d=n我認識呢間舖係從呢舊「ge」嘢開始🤣👇 榛子扭計骰 (當年$48)照片來自「品穀」老闆Jeffrey Li嘅FB舊扭計骰嘅造型相當吸睛👀結構非常複雜，由底到面。分別係～可可餅底軟焦糖榛子甘納許榛子朱古力脆脆焦糖蛋糕榛子輕慕絲可可噴沙咬落去嘅texture好豐富，軟綿綿、脆卜卜、滑捋捋，清香嘅榛子味，唔太甜，成件蛋糕睇上去好creamy，以為幾膩，食落去其實好輕盈，感覺舒服👍。啱啱個星期日，我路經佐敦舊店（還有灣仔及荃灣分店），又去幫襯😎今次專攻麵包（老闆兩兄弟嘅分工：阿哥負責麵包；細佬負責甜品）。我買咗「魷魚遊戲」組合🔘🔺🔳唔好癲啦❗️🤣麵包店裡面根本無乜鬼「魷魚🦑遊戲」組合，係我生安白造🤪捉我入青山啦💉 🔺經典牛角AOP($24)👆牛角包好易有伏位😒一係太油、一係太燶。店主Andrew不惜工本，以法國有機麵粉混合日本麵粉，再加法國AOP牛油，足足三日時間發酵、冷藏、摺疊，然後用175度焗17分鐘，完美呈現蜂巢嘅結構。 單係外表，唔會過燶；聞一聞，好香嘅牛油味；摸上手，乾身、唔肥淋淋；食個吓，外皮鬆脆，裡面軟滑。C9最重要嘅考量係～個size比一般牛角包大🤣雖然$24唔平，但真係值👍 🔘榛子之舞 ($29)👆最貴，但Sorry！唔。好。食❌😫同牛角包一樣，係牛油酥皮結構，但裡面多咗原粒榛子、黑朱古力同焦糖。👇 出事嘅係D涵，請問D榛子有咩作用⁉️又「焾」，無口感，又唔香，畫蛇添足❗️我最後甚至放棄D榛子。整體上，個包係好睇唔好食😵💫 🔳朱古力咖啡骰仔 ($24)👆唔知你有無同感？🧐食完牛角包🥐就好似張敬軒食完「姐姐」煮嘅早餐一樣，感覺仍然空肚🤣牛角包個texture令你好似食緊空氣，食完等於無食，無乜飽肚嘅感覺。男人食嘢，係要實在D嘅🤪咁呢個朱古力咖啡骰仔就啱你😎我都非常like😍 煙韌、有扯力嘅皮hold住鬆軟，有彈力嘅包，我只係略嫌朱古力咖啡嘅涵有D過甜，輕手D就同佢成間鋪嘅style & tone好一致。Appreciate呢兩兄弟有heart，又有技術。「魷魚遊戲」係唔係一定要爾虞我詐呢？明嘅❗️坊間唔少麵包店都用添加劑同膨脹劑，要大量同快速生產，賺錢吖嘛！但世界上總有有心人有vision同mission，好似「品穀」，個vision係～「。。。我們相信總有一天，處處也能吃到健康的麵包及優雅的甜點。」加油❗️💪https://www.biggrains.com/about-us（完）
