去得文華Café Causette😎預咗貴啦！海南雞飯🍚承惠$318😨凱撒沙律配煙三文魚🥗同樣$318👀公司三文治🥪多謝$278💰咦？！🧐Menu上所有價錢都係8字尾，唔通真係要「發」咗先好去食？🤣（文華全天候餐單👇）https://photos.mandarinoriental.com/is/content/MandarinOriental/hong-kong-restaurant-cafe-causette-menu?_ga=2.44345764.1828743441.1633826987-671599276.1633826987&_ijcid=1633827050352%7C2.763608650.1633826990081.-12c98cb2貴還貴，值唔值先？👀好耐無去文華，呢排，做咗兩次人肉測試，都係食lunch。無可否認，文華嘅服務，連我呢D麻麻煩煩、嫌三嫌四嘅都好難挑剔到🤣服務員嘅人數、禮貌同友善度、對菜色嘅熟知、上菜嘅速度都係久經訓練👍我唯一雞蛋裡面挑骨頭嘅係～服務員其實唔駛講咁多次「多謝」嘅🤣試過一餐總共聽咗八次「多謝晒」🙏呢兩次lunch，我都點咗3-course set，包括湯/沙律、主菜、甜品、咖啡/茶，雖然咁樣叫法應該抵D，但都好Q貴囉～$538，所以，唔好怪我mean🔍 首先嚟個足足兩個拳頭咁大嘅餐包。摸上手，熱辣辣🔥切落去個吓⚡️點呀😒層皮好硬吓喔！食落去嘅時候，Wow！外脆內軟，配埋個香草醬（綠色個碗）🤪發癲‼️我好失禮咁成個包隊晒！✌️兩次lunch，分別試咗唔同嘅頭盤👇 ［😵驚喜‼️］呢個👆巴馬火腿伴無花果蜜桃沙律好好食👏parma ham淡淡嘅鹹香同煙韌、新鮮蜜桃嘅清甜同爽脆、無花果獨特嘅味道同複雜嘅口感，加埋廚師調製嘅醬汁，成個組合好match，完全發揮到頭盤嘅功能，醒神開胃‼️ ［😎正常‼️］另一次揀咗周打蜆湯🥣湯底濃厚、蜆肉充足，雖然未有驚喜，但維持到大品牌個功架。嚟到主菜，先講西式嘅選擇👇 ［🥰出色‼️］呢件牛👆真係無得輸，淨係睇相，所有素材識發光咁滯，用料上乘，即使牛嘅厚度相當，廚師處理得恰到好處，甘香嘅外皮鎖住D肉汁，牛肉嫩口又唔會血淋淋，絕對pass🈴️ ［😱驚嚇❌］不過，同樣係牛👆另一次經驗就。。。出事啦😒🥶我唔知發咩神經，撞邪揀咗「沙葛牛肉配白飯」（弱智㗎‼️呢D嘢應該係茶餐廳點啦🤣），結果～1）個芡汁水汪汪🤡2）D牛肉「嚡」兼無味道3）個白飯仲要煮得差💩飯粒唔分明，爛飯‼️喂！完全想像唔到係文華嘅質素😒類似嘅失誤無諗過會發生喺文華身上。點先？🙄甜品嘅部份又救到幾多呢？ ［😍滿足❤️］個奶凍👆非常出色，香滑而不膩，甜酸度適中；檸檬蛋糕就維持一貫水準。無法‼️文華餅店，大家知咩料啦🔥好少會失手👍［😫難頂👎］最後，唔係好明文華個咖啡（餐茶）點解總係咁難飲😫宜家外面咁多超出色嘅咖啡小店，文華呢方面真係輸晒❌可能你會話，幫襯文華係因為個brand、D service同優越感。我唔反對呀！我都好愛文華，佢1963年已經喺香港遮打道創立旗艦店，一路陪住香港人成長，好有感情。不過，要孭得起文華個朵，要令顧客甘心比咁貴嘅價錢，對佢嘅要求梗係harsh啦！方方面面都要做得出色，否則，即使搵晒全世界嘅名人撐場（👇個link），都只係一場show。https://www.mandarinoriental.com.hk/celebrity-fansPS 如果真係想去Café Causette，C9提議用staycation方式🤣包早餐同晚餐，抵好多😎（完）
