食放題，梗係C9心態啦🤣絕對唔可以蝕‼️💪可惜，人大咗，食buffet嘅戰鬥力真係大不如前。🤡由於個胃quota有限，所以，要對自己好D，宜家食buffet，都會嚴選一D高質嘅😎最近，虛榮嘅我就挑戰呢一間高級中式餐廳嘅點心放題🥟 Madame Fu嘅Grand Cafe👆 位於中環大館（前中央警署）嘅Madame Fu，個包裝好殖民地同舊巴黎嘅feel，實質係一間特色中菜廳。咁Madame Fu又係乜水？🤔個朵好響？ 你實會噓爆🤣係虛構人物呀‼️唔好以為會有一個類似頂爺嘅Madame Fu走出嚟招呼你囉😜只係餐廳以呢位虛構女性嘅神秘背景為概念，設計咗六個主題房同一個大陽台，style一致，又各自有特色。（除咗Grand Cafe，仲有以下6個主題房） The Red & Blue Verandahs 👆 The Artist🌹 Pink Room👄 Whisky Lounge🥃 The Library📖 Fu Bar🍾️ 當中，懶fancy嘅Pink Room最受歡迎，比較難book位。我就啱啱相反🤣最鬼憎粉紅色❌一定唔會同你哋爭😎於是，某個下午，舒舒服服，12點喺Grand Cafe坐低咗，準備同呢個「90分鐘嘅點心放題」死過💪 本人揀咗Free Flow Dim Sum$258個餐😝有十款點心（唔包括要額外加錢食果D）。我問工作人員駛唔駛tick點心紙，佢哋好豪氣咁回：「唔駛！如果唔介意，全部幫你哋上晒‼️」Yeah！點會介意呀！😝 茗茶 (加$15) 通常前菜好把鬼，好hea，餸頭餸尾咁🤡，但Madame Fu嘅前菜味道同賣相好pro👍特別個手拍青瓜，爽脆又鮮味，醬汁調較得好。 跟住閃電咁快⚡️就上咗六樣點心🤣 要品評間餐廳D點心做得好唔好，D餃係重點🧐如果D餃好似用嚟鬧人嘅「粉皮」一樣🤣唔煙韌就死得❌ 四種餃（水晶蝦餃皇、蜜豆海鮮餃、黑松露上素蒸粉粿、芝士竹笙菠菜餃）嘅餃皮Q彈，皮薄涵料足，特別喜歡黑松露上素蒸粉粿，水晶皮個咬口、黑松露嘅香味，令人一試難忘。 有時，真係唔好高估自己🤣第一輪嘅衝鋒陷陣之後，我已經有D「收皮」嘅徵兆，飽到接近「陣亡」🤣清晒檯面D嘢，立即嚟第二輪嘅考驗😱D煎焗點心。 大家都明，飲茶D嘢唔夠熱辣辣，係死罪🙅放心！Madame Fu嘅非常專業，無論蒸嘅、焗嘅、煎嘅、炸嘅都做得好到位。特別推薦個鮑魚雞粒鹹水角😍金香鬆軟嘅外皮包住juicy嘅鮑魚同雞粒，咬開個吓，件點心出煙，非常美味🈴️ 近年，唔少著名酒樓或酒店嘅中菜廳都搞點心放題，老實講，質素係良莠不齊，有D會將貨就價添😒但係，喺Madame Fu埋單雖然要三舊水（計埋茶錢同加一），餐廳環境、嘢食質素、服務態度都係值回票價。 順帶一提，Madame Fu提供N咁多種嘅lunch、dinner、下午茶、brunch嘅set，悉隨尊便，任君選擇😎可以巡吓呢個網頁👇 https://www.madamefu.com.hk/menus-1 完
