我係愉景灣居民，每次有朋友入嚟，行山好、staycation好，都會問「食乜好呀？😵💫」由於住愉景灣嘅超過六成係鬼佬😎所以，裡面D食市好正常會遷就鬼佬口味，絕大部分係西餐🍴食嘢嘅choice就肯定比市區嘅少，而且，每間餐廳都會有D伏位😒唔好亂試呀🤣‼️至於以下介紹嘅，唔會衰得去邊😎1）Zaks 嘅招牌蝦肉卷🦐一出碼頭就會見到Pacific Coffee，旁邊就係呢間西餐廳Zaks😎，主打嘅係Pizza、Pasta、沙律、扒類同東南亞美食。頭三樣嘢嘅水準穩定，可以放心叫，其中，最有特色嘅係呢個好似潛艇咁巨型嘅蝦肉卷，特製嘅海鮮醬混合埋炸蝦肉，堆到滿一滿，酸酸甜甜又啖啖肉，大人同小朋友都會鍾意❤️不過，見到個價錢👀你會話$160咁Q貴‼️Zaks嘅特點就係價錢同個portion成正比，D size好鬼大！ 招牌蝦肉卷（$160）👆👆揀得Zaks，梗係因為間餐廳對住個無敵海景啦！過時過節，的確係浪漫嘅🌹 攝於Zaks嘅室外座位☝️📷但要提你一個伏位👀餐廳嘅椒鹽魷魚相當「唔掂」❌唔好expect係海鮮酒家果隻咁脆同香口，仲要無魷魚味㗎🦑避之則吉‼️🤣https://www.facebook.com/zaksDB/2）Bones & Blades嘅芝士漢堡🍔同小老闆沙律🥗愉景灣碼頭個商場擴建部份今年正式開張，多咗幾間從市區進駐嘅食店，其中有專營肉類嘅Bones & Blades，不過，我推介嘅唔係佢哋嘅扒喔，反而係漢堡包同沙律👇👇 芝士漢堡($108)👆已神不知鬼不覺🤡加了$10，原本$98 小老闆沙律 ($68)👆我之前已經寫過一篇關於Bones & Blades嘅blog，大家可以睇睇，唔重複啦😎https://blog.ulifestyle.com.hk/article/brianchowchow/4152075/%E9%82%AA%E6%83%A1%E6%A5%B5%E8%87%B4-%E9%85%A5%E7%82%B8%E4%BA%94%E8%8A%B1%E8%85%A9x%E8%8A%9D%E5%A3%AB%E6%BC%A2%E5%A0%A1?fbclid=IwAR1ar6w0LcvZbTAk_vSLkUUj6LX0RSbFfOyxPMXrLJc03iXzTWENKA5dE8Q3）Hanmade嘅椰子烏龍茶🍵愉景灣嘅食市主要分兩個區域，一個喺碼頭（中環搭船入嚟或欣澳站坐DB03R總站落車），另一個喺北面商場，亦即係愉景灣酒店附近（要喺碼頭坐T4或T9巴士 或欣澳站坐DB03P總站落車）。愉景北商場有一間隱世小店叫Hanmade Teahouse，簡約嘅裝修，sell嘅係花茶同中式小糕點（真係好小㗎！），係幾特別嘅afternoon tea選擇。👇 當中嘅椰子烏龍茶非常好飲👍賣相靚之外，椰子嘅aftertaste香味令你一試難忘。 椰子烏龍茶($58)👆酥皮糕點($38)建議配多一件酥皮糕點($38 flaky pastries) 😎類似潮式月餅。呢間Teahouse最近喺銅鑼灣都開咗分店。https://www.facebook.com/HanMadeTea/4）愉景灣酒店嘅黯然銷魂飯（不定期）🍚係呀‼️即係食神叉燒飯，不過，懶勁咁‼️用黑毛豬囉🐷都幾白痴㗎！竟然喺酒店食叉燒飯🤣擺明比人掠水，因為個飯要舊幾水㗎($138)👇 但係，水準同外面嘅真係有得揮👍肉嫩香口嘅黑毛豬之外，仲有煎到外脆內軟嘅厚切午餐肉，準備爆漿嘅荷包蛋，加埋個濃味醬汁，整體質素唔係呃鬼佬㗎！🤣真材實料‼️不過，不定期供應。https://www.facebook.com/AubergeDBay/如果要平D嘅燒味飯選擇，可以考慮碼頭嘅海岸餐廳(Island Cafe)。 燒鵝脾飯會貴D($93連凍飲）👆 四寶飯($64連凍飲)👆燒味相當新鮮，日日清。我好怕D飯煮到一pat pat，呢間D飯煲得好，飯粒分明又唔會太硬，加埋姜蔥醬油，相當開胃。5）牡丹軒嘅點心🥟同乾炒牛河🐂喺愉景灣，中菜嘅選擇必然係喺碼頭Club House嘅牡丹軒。點心首推水晶鮮蝦餃（$40 餃皮煙韌，蝦大又彈牙）、腸粉（$37-$45 質地Q彈）、蒜蓉蝦春卷（$37 皮脆、涵料足）。 蜜汁叉燒腸粉($40)👆乾炒牛河好講究師傅嘅手勢、鑊氣、油量。呢碟牡丹軒嘅河粉未食已經聞到陣陣香味，要挑剔嘅係油多咗D，可以減返少少就更好。 乾炒牛河($98)👆宜家週末嚟愉景灣嘅人實在太多😵💫如果你真係想好寫意享受一日嘅話，平日入嚟，感覺舒暢好多😎
