疫情之下，飛唔到💔大家都好似有妄想症咁，靠社交媒體D動態回憶💩幻想自己去咗東京、台北、曼谷。。。✈️最近，自己嘅FB就失驚無神彈出咗呢張兩年前嘅相👀 （給我壁咚吐司 NT100)Oh!‼️No‼️作為一個麵包狂徒，除咗香港，我有三個地方嘅麵包係喪食～台灣、日本同澳門😍上面張相就係2019年年尾喺台北嘅金花炭烤吐司專賣店影㗎。金花賣嘅吐司嘅質素😱😱😱我真係無話可說，唔該！去片吖！📷 （右面）芋頭幸福(NT65)👆for 素食者 法式花醬豬(NT120)👆 迷迭檸檬雞(NT90)👆舖頭嘅吐司種類其實幾複雜，有好多唔同系列，以下呢個餐牌比較清晰👇 其中，必定要試嘅梗係「壁咚系列」啦🏆亦都係傳說中嘅「芝士瀑布吐司」 我見到呢份「壁咚系列」吐司，巧滾動😭完全hold唔住😱吐司裡面夾住爆漿奄列、兩塊赤燒豬（黑毛豬）、台灣好出名嘅福源花生醬、同埋兩種唔同種類同顏色嘅芝士，由於芝士粉量逼爆，於是營造到「瀑布」嘅效果。如果你以為「壁咚」已經夠浮誇嘅話，Sorry！各位朋友👇‼️ 老闆三層肉(NT100)個名賤格之餘🤣用料相當邪惡😈頂部有三片肥美嘅煙燻Bacon，中間有太陽蛋、麵包搽咗花生醬之外，再淋上老闆娘特製嘅熔岩蜂蜜芝士醬😱點呀！食落去👀火山爆發一樣🌋金花炭烤吐司店嘅位置好易搵，喺最熱鬧嘅西門町，捷運西門站1號出口，穿過紅樓廣場右轉就到。比較諷刺嘅係，疫情之前，經常喺金花大排長龍嘅並唔係本地人，而係遊客，直至呢一兩年，本地人先至「敢」去幫襯。https://www.facebook.com/goldenflowertoast/我為咗食，都算係不擇手段😎即使要倒塔咁早起身都在所不計。以下要介紹呢間早上7點開門，我要避開人群，於是，晨早7點幾就去到呢間叫良粟商號嘅小店🤣果然，小貓幾隻（平時係逼爆）。 店內嘅打卡位📷相比「金花」，良粟商號就比較「內斂」，環境感覺幾歐陸，嘢食個包裝比較精緻。 個menu無咁複雜😵💫吐司主要分四類：炙火燒肉、花生好事、茹素主義同職人手作，而且價錢仲平D‼️🤣 當中唔可以走雞嘅梗係炙燒花醬雞腿排蛋吐司👻。 炙燒花醬雞腿排蛋吐司(NT85)雞肉係用炭烤，而麵包係用鐵板去煎，再配埋個半熟蛋同花生醬。Wow‼️好喪🤣個炭烤雞肉幼嫰又惹味，半熟蛋嘅蛋汁同花生醬行孖beat，加添咗成份吐司嘅香味同口感。今年良粟商號開多咗一間分店👇請留意休息時間‼️好早收檔㗎‼️https://www.facebook.com/LiangSuMuJha/由於台灣嘅早餐實在太吸引，我每次去台北，都會「被逼」每日兩次空肚食早餐🤣一日可以食兩個早餐🤡🤡Yeah✌️
